Irakurketa hainbat ikuspegitatik landuko dute Mediatekan
Hendaiako Mediatekan irakurketaren inguruko ekitaldiak izango dira Livrez-vous! izenburupean.
Hilaren 20an, larunbata, irakusgailuen funtzionaltasunak zeintzuk diren ezagutuko dituzte parte hartzaileek. 15:00etan hasiko da.
Hilaren 24an, asteazkena, 6 eta 12 urte bitarteko haurrentzako lau saio izango dira (bakoitza ordu batekoa), braille idazkera oholxka batean deskubritzeko.
Hilaren 26an, ostirala, literatura-topaketa izango da Patrick Bousquet-Schneeweissce idazlearekin, eta ondotik izenpetze-saioa izango da, 18:30etik aurrera.
Hilaren 27an, larunbata, helduentzako ipuin ikuskizuna eskainiko du Koldo Amestoy kontalariak, 18:00etan hasita.
Horrez gain, hilaren 23tik 27ra Haurren Astea ospatuko dute Hendaiako Turismok antolatuta, eta horren karietara sorpresa zakutxoak emango dizkiete haurrei literaturara hurbiltzeko asmoz.
