Lantokiko praktikak euskaraz egingo dituzte Don Boscoko hainbat ikaslek
Errenteria-Oreretako Don Bosco ikastetxeko hainbat ikaslek aurten ere lantokiko praktikak euskaraz egiteko erabakia hartu dute. Horren abiapuntua da, Oarsoaldeko Euskara Zerbitzuaren arabera, ikastetxeak azken urteetan D ereduaren aldeko “ahalegin handia” egin duela, eta duela zazpi urtetik D ereduko ikasleen kopurua, beraz taldeen kopurua, handitu egin dela. Hala, Oarsoaldeko Euskara Zerbitzuak jakinarazi du lantokiko praktiketan hizkuntza alorrean “hutsunea” egon dela, eta horri aurre egiteko praktika horiek euskaraz egin ahal izango dituzte hainbat ikaslek, honako enpresatan:
- Papresa SA (Errenteria-Orereta)
- Tecnalia (Miramon, Donostia)
- Easo Motor SA (Oiartzun)
- Lurauto-Gipauto SA (Oiartzun)
- Asea Brown Boveri Niessen SA (Oiartzun)
- IDK elektronika (Errenteria-Orereta)
- Txingura tailerra (Errenteria-Orereta)
- CAF (Irun)
- Linke (Donostia)
