Gaurko Pasaiako udalbatzarrean '197/2006 doktrina' aztertuko dute
Ezohiko udalbatzarra egingo dute gaur arratsaldean Pasaiako Udaleko zinegotziek. 17:00etan hasiko da. Arizabalo jauregian. Denera 13 puntu izango dituzte aztertzeko hautetsiek, eta horien artetik bost mozioak dira, Bilduk, PSE-EEk eta Pasaiako Ezkerrak aurkeztuak. Bildurena 197/2006 doktrina-ren gainekoa da, PSE-EErena Gipuzkoako Hondakinen Partzuergoari buruzkoa, eta Pasaiako Ezkerrarenak Saharako herria, Irak Herri Administrazioaren Arrazionalizazio legea izango dituzte mintzagai. Ondoko zerrendan daude gai ordeneko puntu guztiak.
Izan ere, aste honetan Europako Batasuneko Giza Eskubideen epaitegiak ahozko saioa egin du Ines del Rio preso politiko nafarraren kasuaren harira. 197/2006 doktrina ezarrita du Del Riok, eta Europak aurreko udan ebatzi zuen hori ez zela legezkoa. Espainiako Gobernuak erabaki horri helegitea egin, eta hori aztertu zuten asteazkenean. Hala, Horren harira, mobilizazioak egin zituzten Euskal Herri osoan nahiz Oarsoaldean eta Bidasoan. Ondoko argazkia Antxoko elkarretaratzekoa da.
Asteazkenean elkarretaratzea egin zuten Antxon
- Aurreko batzarraldietako aktak irakurri eta onartzea.
- Xedapen ofizialen eta alkatearen nahiz zinegotzi ordezkarien ebazpenen berri ematea.
- PSE-EEren mozioa, Gipuzkoako Hondakinen Partzuergoari buruzkoa.
- Bilduren mozioa, 197/2006 doktrinari buruzkoa.
- Pasaiako Ezkerraren mozioa, saharar herriari elkartasuna adierazteko
- Pasaiako Ezkerraren mozioa, Irakentzat erantzukizuna eta justizia exijitzeko.
- Pasaiako Ezkerraren mozioa, Herri Administrazioen Arrazionalizazioari eta Iraunkortasunari buruzko legearen aurreproiektuari buruzkoa.
- 2002ko uztailaren 29ko Udalbatzaren akordio bati akatsak zuzentzea.
- Etxe etxeko kontratua hirugarren bati lagatzea.
- Erakunde adierazpena. Jaizkibelgo ipar aurpegian izan den suteari buruzkoa.
- Alkatearen gestioak.
- Galde-eskeak.
- Zinegotzi karguei uko egitea eta Hauteskunde Batzorde Zentralari egiaztagutunak igortzea.
