Kizomba dantza festa egingo dute larunbatean Banakon
Larunbatean Kizomba doinuak entzungo dira Txiplaoko Banako tabernan, Kizomba festa antolatu baitute. Otsailaren 23an egin zuten lehen aldiz eta, erantzuna ikusita, errepikatzea erabaki dute. Hala, 21:00etan geratuko dira eta ordu erdi geroago luntxa egingo dute, 15 euroan (izena emateko: 669 12 91 67 edo 635 70 79 00 telefono zenbakietara deitu behar da). Eta 23:00etan hasiko da festa. “Errutina aldatzeko oraingoan erabaki dugu beltz eta gorriz joatea. Salsak, bachatak… ere entzungo ditugu, baina batez ere kizomba festa izango da”, esan dute antolatzaileek. Festa irekia dela gaineratu dute, “bai afaria baita festa ere”.
