Aste Santuan beste kirol jarduera batzuk izango dira Errenterian
Hilaren 25etik apirilaren 1era, Aste Santuarekin batera, Fanderia zein Galtzarbordako udal kiroldegietan ematen dituzten ikastaroak eten eta beste ikastaro batzuk jarriko dituzte. Zein ikastaro izango diren eta ikastaro hori zein egun eta ordutan izango den jakiteko Galtzarabordako zein Fanderiako harreran galdetu daiteke edo azpian dagoen fitxategia jaitsita.
Ikastaro alternatibo horiek ohiko ikastaroetan izena emanda dutenei zuzenduta daude. “Plaza kopurua jardueraren arabera dago mugatua, eta derrigorrezkoa da ikastarogileek jarduera baino ordu erdi lehenago akreditazioa jasotzea, udal kirol instalazioen harreran”, jakinarazi du udal kirol patronatuak.
Horrez gain, haurren igeriketa saioak ur ginkana batekin ordezkatuko dituztela azaldu du. Hori hilaren 25, 26 eta 27an egingo dute Fanderiako kiroldegian 17:30etik 19:30era eta apirilaren 2, 3 eta 4an Galtzarabordakoan, 17:30etik 19:30era. Ohiko ikastaroetan dabiltzan haurrek sarrera doan izango dute jarduera horretan. Hala ere, akreditazioa beharko dute, ekitaldia hasi baino lehen, kiroldegiko harreran.
Ikastaroak eta ordutegiak
