Datorren astean Ekialdebuseko autobusak ez dira Portu auzoan sartuko
Portuan egiten ari diren obren barruan, Itsasargi kaleko asfaltatze lanak egiten hasiko dira eta, horregatik, Ekialdebuseko atobusak ez dira Portura sartuko eta E25 lineako lau geltoki ezabatuko dituzte: Matxin Artzu, Correos, Sabino Arana eta Alameda. Neurri hori datorren asteko lanegunetan aplikatuko da, hau da, hilaren 18, 19, 20, 21 eta 22an. Hilaren 25etik aurrera aiutobusak berriro sartuko dira Portura.
Hortaz, datorren astean Portutik gertuen dauden bi geltokiak erabili beharko dituzte portuarrek: Foru kalekoa (autobusez aldatu gabe) eta Ama Guadalupekoa ikastetxekoa, Maitane taberna parekoa. E25 linea Ama Guadalupekoaraino iritsiko ez denez, hor beste edozein lineako autobusa hartu eta Amuten geratu beharko dute erabiltzaileek, eta Amuteko geltokian bertan E25 autobusera igo. Hori egin behar izateagatik ez zaie ezer kobratuko.
Aldaketak E20an ere
Datorren astean ere, eta arrazoi beragatik, E20 linean aldaketak izango dira. Kasu horetan, Madalengain, Sokoa eta Foruko geltokiak bertan behera geratuko dira hilaren 23ra arte. Hortaz, E20 autobus linea Ama Guadalupekoa ikastetxetik abiatuko da.
