'Bat-batean' emanaldi berria aurkeztu du Jon Martinek
Oskar Estanga, Migel Mari Elosegi Luze eta Jon Martin bertsolariek agerraldia egin dute goizean, Donostiako Koldo Mitxelena Kulturgunean. Bertan, Bat-batean izeneko proiektu berria aurkeztu dute, esperimentatzea oinarri duena.
Bat-batean bertso saioa da, baina musika saioa ere bat. Bertsolariak bat-batean ariko dira bertsotan, lekuaren arabera. Horrez gain, musikaren melodiaz eta erritmoez lagunduta ariko dira. Musika aldez aurretik aukeratuta egon arren, gitarra zuzenean joko du Estangak eta bertsoak, aipatu bezala, momentukoak izango dira.
Estangak azaldu duenez, oinarrizko formatu bat du emanaldiak, orokorra edo oinarrizkoa izango dena: bi bertsolari, gitarra eta grabatutako musika. Baina, deitzen dieten lekura moldatuko dira: “Izan litezke 3-4 bertsolari, gai jartzailea hasieran ez dugu jarri, baina eskatzen badigute… tokiaren arabera ere intimoagoa edo handiagoa izango da, luzeagoa edo laburragoa… Dena da posible, esperimentatu egingo dugu”.
Jon Martinek ere azaldu ditu saioaren nondik norakoak:
Lehen emanaldiak hauek izango dira:
- Martxoaren 22an. Gallartako (Bizkaia) Argia jatetxean, 22:00etan. Estanga eta Martin ariko dira bertan.
- Apirilaren 13an. Iruñeako La Hormiga Atomica liburutegian, 20:00etan. Aimar Karrika bertsolariarekin ariko da Estanga.
- Maiatzaren 23an. Bilboko Santutxuko Begoña auzo etxean, 19:00etan.
