Host jostailuei buruzko tailerra egingo dute Soinuenean larunbatean
Hots jostailuen inguruko tailerra izango da larunbatean Soinuenean (Herri Musikaren Txokoan), 16:30ean. Haur eta gurasoei zuzenduta dagoen tailerra da, eta Soinueneak jakinarazi duenez, “txepetxa egiteko aukera izango dute parte hartzen dutenek”. Lehenengo, orduan, txepetxari buruzko azalpen labur bat emango dute, eta segidan txepetxa egingo dute: “Bakoitzak bat egina duenean, erabiltzeko zein aukera ematen dituen ikusiko dugu kanta ezberdinak akonpainatzeko erabiliz”. Horretarako, animatzen direnek intxaur azalak, txotx planoak eta haria eraman beharko dituzte. Hala ere, ez dutenek bertan izango dute materiala.
Otsailean egindako tailerra errepikatuko dute. Orduko hartan, elurrak jendea atzera bota zuela ikusi zuten, “eta pena da haurrekin txepetxa egiteko aukera galtzea”, Orkatz Arbelaitz komunikazio arduradunak zehaztu duenez.
