Ekitaldiz beteta dator Emakumeen Eguna Errenteria-Oreretan
Etzi, martxoaren 8an, hasiko dira Emakumeen Egunarekin lotutako ekitaldiak Errenteria-Oreretan. Lehen egunean, ohi bezala, herriko emakume elkarteek emanaldi bat egingo dute Galtzarabordako kiroldegian, 17:00etatik aurrera. Bederatzi elkartek parte hartuko dute, eta dantzak, antzerkiak eta bestelakoak egingo dituzte.
Hurrengo egunean, berriz, larunbatarekin, Mariasun Landa lehiaketako irabazleak zeintzuk izan diren jakinaraziko dute, Xenpelar Etxean egingo den ekitaldian, 12:00etatik aurrera.
Ordubete aurretik, berriz, Pikor Teatroren Atsoak dantzan antzezlana emango dute, Foru plazan.
Horrez gain, urtero moduan Amalatz talde feministak emakumea protagonista duen zine zikloa egingo du. Joan den ostegunean hasi zen, eta bihar emango dute hurrengo filma: El amigo de mi hermana.
Azkenik, larunbatera arte Xenpelar udal tailerreko patchwork lanak ikusteko aukera izango da Xenpelar Etxean.
Egitaraua
- Martxoak 8: Herriko emakume elkarteen emanaldia, 18:00etan, Galtzarabordako kiroldegian. Honako taldeek parte hartuko dute: Erdialdea (euskal dantzak), Pontika (60ko urteak), Itzatu/Olibet (emakumeen bizipenak), Gabierrota (Bollywood), La Ramona, Beraun (Cumbia), Kaputxinoak (emakumeak eta itsasoa), Erdialdea (Flashdance), Galtzaraborda (Calé jeros), denak (borobila).
- Martxoak 9: Pikor Teatroren Atsoak dantzan antzezlana, 11:00etan, Foru Plazan.
- Martxoak 9: Mariasun Landa sari banaketa, 12:00etan, Xenpelar Etxean. Gema Lasarterekin Mariasun Landa irakurtzen, musika, sari banaketa, aperitifa…
- Martxoak 9ra arte: Xenpelar udal tailerreko patchwork lanen erakusketa, 17:00etatik 20:00etara, Xenpelar Etxean.
- Ostegunero: Amalatzen zine zikloa. Martxoak 7, El amigo de mi hermana; martxoak 14, La hermana de Mozart; martxoak 21, Hysteria. Egun guztietan 18:00etan izango da Niessen aretoan.
