Tronpeta ikasle bat, iazko audizio batean
Hondarribiko Musika Eskolako ikasle guztiek parte hartuko dute martxoaren 4tik hasita udaletxeko areto nagusian emango dituzten hamalau kontzertuetan. Emanaldi guztiak 18:30ean hasiko dira, martxoaren 15ean egingo duten helduen topaketa salbu, arratsaldeko zortziretan izango dena. Guztira 275 ikasle izango dira audizioetan parte hartuko dutenak, arlo desberdinetan: pianoa, biolina, gitarra, flauta, saxofoia, tronpeta, tronboia, trikitixa eta akordeoia.
Audizio egitaraua bukatuta, martxoaren 20an Irungo Udalak ikastetxeetako Lehen Hezkuntzako 2. kurtsoko ikasleentzat kontzertu pedagokikoa antolatuko du, eta bertan Hondarribiko Musika Eskolako txistu ikasleek eta Txistularien Udal Bandak joko dute.
Musika Eskolako ikasleen audizioak
- Martxoak 4: Gitarra ikasleak.
- Martxoak 5: Tronboi ikasleak.
- Martxoak 6: Piano ikasleak.
- Martxoak 7: Piano ikasleak.
- Martxoak 8: Tronpeta ikasleak.
- Martxoak 9: Piano ikasleak.
- Martxoak 11: Flauta ikasleak.
- Martxoak 12: Flauta ikasleak.
- Martxoak 13: Akordeoi ikasleak.
- Martxoak 14: Biolin ikasleak.
- Martxoak 15: Saxofoi ikasleak. Eta ondoren Helduen topaketa, 20:00etan.
- Martxoak 18: Trikitixa ikasleak.
- Martxoak 19: Biolontxelo ikasleak.
