Euskadiko Txapelketan lehiatuko dira judoka gazteak asteburuan
Asteburu honetan Gazte Mailako Euskadiko Judo Txapelketa egingo dute eta bertan lehiatuko dira Hondarribiko Ama Guadalupekoa taldeko kirolariak. Kadeteak eta nagusiak, berriz, Murtziara bidaiatuko dute, bertan egingo den Espainiako Borroka Txapelketan aritzeko.
Kadeteak Bordelen izan ziren aurreko larunbatean, eta bertako Lormort herrian egiten duten torneoko hirugarren ekitaldian borrokatu ziren. 300 judoka inguru izan ziren bertan eta Hondarribitik talde handia gerturatu zen, baina ez denekin, hainbat mutil eta neska Euskadiko Federazioak Asturiasen antolatu zuen entrenamentuan egon zirelako. Joakin Lopezek zilarra lortu zuen Bordelen, -46 kiloetan, eta Antxon Lekarozek brontzea.
