Etxez etxeko langileek protesta egin dute Irunen
ELA sindikatuk deituta, etxez etxeko zerbitzua eskaintzen duten langileek protesta egin dute eguerdian Irunen, ospital zaharraren sarreran, Gizarte Zerbitzuen departamentua dagoen tokian.
Langileek salatu dutenez, etxez etxeko laguntza zerbitzua “hilzorian” dago, eta horren arduraduna udala da: “2012an, erabiltzaileek ordaintzen zituzten tarifak errebisatu zituzten eta horren ondorioz, kasu batzuetan tarifak %300ean igo ziren. Honela, famlia eta erabiltzaile askori ezinezkoa egiten zaie publikoa den zerbitzua erabiltzea”. Udalak, gainera, erabiltzaileei enpresa pribatuen zerrenda helarazten diela kritikatu dute, “udal zerbitzua bermatu beharrean”.
Horrez gain, gogorarazi dute, kasu batzuetan murriztu egin dituztela familiek laguntza moduan zituzten orduak.
Ondorioz, “gizartearentzat hain oinarrizkoa den zerbitzu publikoa suntsitu nahi dutela” ulertzen dute langileek. Nahiz eta beraiek, “kalitatezko zerbitzua ematen jarraitu ahal izateko” lan egin.
Agerian utzi nahi dute zerbitzua jasaten ari den “egoera larria”, eta “urte askotan, era ezin hobean familientzat lanean aritu diren langileen egoera prekarioa”. Era berean, udalari eskatu diote “zerbitzu publiko honen kalitatea eta eraginkortasuna” bermatzeko.
ELAko ordezkari Joxe Mari Arribillagak azaldu dio protestaren zergatia HITZAri:
