Inauterietako lehiaketetan saritutakoak, sari banaketaren ondoren
Atzo arratsaldean izan zuten amaiera ofiziala Hondarribiko inauteriek. Modu jendetsuan bukatu ziren, gainera, zabairaino bete baitzen udaletxeko areto nagusia sarien banaketa ekitaldirako. Han bildutako batzuk mozorrotuta inguratu ziren udalera, atzoko egunarekin hori gaizki ikusita ez dagoela probestuta. Ekitaldian ez zen umorea falta izan eta emozio uneak ere izan ziren
, izan ere, Txomin Sagarzazu Kultura zinegotziak saridunen zerenda irakurtzen hasi bitarte inork ez baitzekien saritua izango zen ala ez. Igandeko desfilean 1.600 lagunek parte hartu zutela nabarmendu zuen Sagarzazuk eta larunbateko eguraldi txarraren aurrean Arma Plazan bazkaltzeko elkartu zirenetaz ere gogoratu zen: “Larunbata goizetik Abiyuan fanfarreak bazterrak alaitu zituen, eta azken lau urteetan bezala, Arma Plazan egindako bazkarian 200 lagun bildu ziren. Eguraldiak asko lagundu ez bazuen ere, giro jendetsua izan zen larunbata arratsaldean kalean”. Eguraldia izan zen protagonista larunbatean, goizetik. Hala, mairuen egin behar zuten ibilbidea bertan behera geratu zen, baina arratsaldeaz Irungo Meaka Adixkideak Dantza Taldeak larunbat arratsaldean euskal inauteria ospatu zuen.
Baina atzoko ekitaldia sariak emateko zen eta horrekin, sarien banaketarekin, hurrengo urteko mozorroan pentsatzen hasi behar dutela ohartu ziren atzo arratsaldean udaletxeko areto nagusira joan zirenak. Zaila izango dute aurtengoa hobetu baina, urtero egiten duten bezala, saiatu saiatuko dira. Aurten
madrileño-z mozorrotuta agertu zen La3 taldeak irabazi du bai karrozen baita konpartsa onenaren sariak, Amute-Kostako
sobietarrak bigarren geratu direlarik. Banakakoetan Jon Puenteren
Tele-Taloa-k irabazi zuen inauterietako oroigarria.
Eta erakuslehio lehiaketan Pascua saltokia izan zen, epaimahaiaren iritziz, inauterietarako hoberen aurpegia aldatu zuena.
Hondarribiko inauteriak. Sariak
Konpartsa handiak
- 1. saria: La 3. Madrileño-z jantzi ziren, PP alderdi politikoaren parodia eginez. 800 euroko saria.
- 2. saria: Amute-Kosta. Sobietarrez mozorrotu ziren. 600 euroko saria.
- 3. saria: Pilar Peña dantza eskola. Harrijasotzaile koadrila osatu zuten. 400 euro.
Hondarribiko karrozak
- 1. saria: La 3. 800 euroko saria.
- 2. saria: Amute-Kosta. 600 euroko saria.
- 3. saria: Carlos Zapirain dantza akademia. Pilotuak eta azafatak izan ziren, hegazkin eta guzti. 400 euro.
6-15 kideetako konpartsak
- Irabazlea: Alaitz Moda, bigarren eskuko azoka. 300 euroko saria.
2-5 kideetako konpartsak
- Irabazlea: Iñigo Ugarteren igeltsero taldea. 300 euroko saria.
Banaka
- Irabazlea: Jon Puente. Tele-talo zerbitzua izan zen bere traktorea. 150 euro.
Hondarribikoa ez den konpartsa onena
- Irabazlea: Irungo Santiagoko Deabruak, Harriketarrak bezala desfilatu zuten. 800 euro.
Erakuslehio txapelketa:
- 1.saria: Pascua saltokia. 450 euro.
- 2. saria: Cristina arraindegia. 300 euro.
- 3. saria: Loitzune ileapaindegia. 200 euro.
