Traktorea lortzeko %28a falta zaio Arraztalori
Traktorearen kanpainak aurrera jarraitzen du eta gutxi falta zaio helburua lortzeko, %28a, hain juxtu. Lehenengo fasea, 6.000 euro, gainditu zuten Arraztalokoek eta orain bigarren fasean sartuta daude. 9.000 euro lortu behar dituzte traktorea lortu ahal izateko. Martxoaren 1ean bukatzen da laguntza emateko epea.
Laguntzeko hainbat bide daude. Kontu korronte bidez: Kutxa-2101 0060 05 0012672317; Caixa- 2100 4481 08 0200088473. Eskura emanda: herriko taberna eta dendatan eta barazki banaketan, astelehenero 18:00etan Killirikupen). Eta Internet bidez: euskadi.goteo.org/project/traktorea webgunearen bidez.
Hitzaldia, hilaren 26an
Hilaren azkeneko asteartean, 26an, Xabier Lertxundi psikiatra eta Irungo Osasun Mentaleko Zentroko arduradunak Gaixotasun psikikoa: botikez gain zer? izeneko hitzaldia emango du Oiartzungo Manuel Lekuona Bibliotekan, 19:00etan.
