Baztan inguruan ibiliko da Urdaburu hurrengo larunbatean
Errenteria-Oreretako Urdaburu mendizale elkarteak Kantauri eta Mediterraneoko isurialdeen banalerroa izenburupean egiten ari den ibilbidearekin jarraituko du, eta hurrengo larunbatean izango da hurrengo etapa. Baztan inguruan ibiliko dira mendizaleak, eta Ukiaga gainetik Belate gainera joango dira. Bidean, Artesiaga, Saioa eta Okolin mendiak zeharkatuko dituzte. Elkarteak 5 ordu eta erdiko ibilbidea izango dela aurreratu du.
Izena dagoeneko eman daiteke elkartean bertan. Astearte eta ostegunetan dago zabalik, 20:30etik 22:00etara, eta telefonoa ere erabil daiteke erreserba egiteko ordutegi berberean 943 52 78 79 zenbakira deituta.
