Aulki Mugikorreko Gipuzkoako Ligako laugarren proba egingo dute larunbatean Orion
Aulki Mugikorreko Gipuzkoako Ligako lineako lehen estropada jokatuko dute larunbatean Orion, 14:30etik aurrera. Hamahiru probek osatzen dute liga, eta horietatik lau jaitsierak dira, Bidasoan egiten diren. Lehenengo hirurak egin dira dagoeneko (iazko azaroarean 25ean eta abenduaren 8an eta 23an); urtarrilaren 12an izan behar zen laugarrena baina eguraldi txarragatik ez zen egin.
Gainontzeko bederatzi probak Orioko itsasadarrean egingo dira, linean, lehena asteburu honetan. Hurrengoak otsailaren 23an, marxoaren 9 eta 24an, apirilaren 13 eta 27an, maiatzaren 5 eta 25ean, eta ekainaren 2an izango dira.
Hondarribia Arraun Elkartea eta Irungo Santiagotarrakekin batera, herrialdeko beste klub hauek hartzen dute parte ligan: Orio, Ur Kirolak, Zarautz, Donosti Arraun Lagunak, San Juan (haur mailan ezik, beste hiruetan) eta San Pedro (nagusietan soilik).
Hiru jardunaldiren ondoren Bidasoko taldeak maila guztietan jaun eta jabe dira. Haurren Mailan Santiagotarrak da lehena eta Hondarribia bigarren, eta gainontzeko mailetan (kadete, gazte eta helduetan) hondarribiarrentzat da lehen postua eta irundarrentzat bigarrena.
