Hogeita bost urte pasa diraTrapujale pertsonajea sortu zenetik eta urteurren garrantzitsua ospatzeko ekimen berezia antolatu du trapujale taldeak hilaren 9rako, larunbat gorrirako hain zuzen ere. “Herritik, herriarentzat antolatutako ekimena izango da, omenaldi xumea, jakin badakigulako udalaren egoera ekonomikoa zein den”, azaldu dute Nekane Urkizu eta Jon Legorburuk, trapujale taldeko kideek. Omenaldia egi bihurtzeko ate ugari jo behar izan dituzte, baina uzta jaso dute eta lan horri esker, merezitako omenaldia jasoko du Jaizkibel menditik behera ihauterietan urtero-urtero Lezora datorren Trapujalek. “Egoera azaldu eta gure asmoaren berri eman diegu herriko hainbat eragileri. Harrera ezinhobea izan da eta horri esker 120tik gora lagun pasako dira oholtza gainetik bere ekarpena egitera”.
Karlos Saldise plazak hartuko du ekimena 19:00etatik aurrera, eta Orratx! antzerki taldeak, Iñaki Labakak, Lorea Intxaurrandietak, Murixka Dantza taldeak, Sutargi eta Aiton Bordako abesbatzak, Atzekoate Zortzikoteak, eta Trikisound taldeak egin nahi izan dute bat ekimenarekin.
Trapujale herri dantza
Larunbatekoa ez da ordea Trapujaleri egingo dioten opari bakarra. Izan ere, ostegun zurian Trapujale herri dantza aurkeztuko dute estreinekoz Gurutze Santuaren plazan pregoia eta arranpuilaren ostean. “Ihauteriari beste ukitu bat eman nahi genion, eta dantza bat, propioa, edukitzea beharrezkoa iruditu zitzaigun. Orain hori ihauterietako dantza tradizionala bilakatu nahi dugu”, esan du Legorburuk.
Trapujaleren irudia Lezoko etxe guztietara eraman nahi dute bestalde, “haurrek gelan gure herriko pertsonajearen irudia izan dezaten nahi dugu”, azaldu dute Urkizuk eta Legorburuk. Horretarako, orain bost urte argitaratutako Trapujale ipuinerako Jose Luis Landa marrazkilariak sortutako irudiak baliatu dituzte eta posterra sortu. 500 ale egingo dituzte eta bi eurotan salduko dituzte, “diru hori ekoizpen gastuak ordaintzeko erabiliko dugu”. Ipuina bera ere berreskuratuko dutela esan dute Trapujale taldeko kideek, azken hori bost euroan salduko dute.
Pertsonaje herrikoia
Haurren beldurra lehenik, eta ezagutzearen poderioz samurtasuna pizten duen Trapujale, ihauteri herrikoien oinarria izan zela nabarmendu du Urkizuk: “Pertsonajea sortu zen lehenik. Joseba Aurkenerena zinegotzi zela, euskal ihauteriak egitea proposatu zuen eta orduan aisialdian zebilen Ekaitza taldeak hartu zuen ideia, eta Ixerkak ondoren. Azken horrek 2006an utzi zuen eta orduan hasi ginen gu, Trapujale taldea, lanean”. Pertsonajea sortuta, horren gaineko kondaira harilkatu, eta Tomas Garbizu Musika Eskolak musikatu egin zuen, ondoren.
Izena bera ere, berreskuratu egin zuten. Urkizuk gogora ekarri duenez, trapujale izenarekin izendatzen zituzten lezoarrak, ondoko herrietako biztanleek. “Oinarri ekonomikorik ez genuen antza, pobreak ginen. Errenteria, Oiartzun eta Irungoek ziotenez, hainbeste gose pasatzen omen genuen trapuak ere jaten genituela. Hortik hartu genuen gure herriko pertsonaje famatuena denaren izena”.
Gora beherak izan dituela onartuta, Trapujale eta Lezoko ihauteri herrikoia mantendu dela nabarmendu du Legorburuk, eta orokorrean balorazio “baikorra” egin du: “Balio handiko zerbait sortu genuelako orain 25 urte. Ihauteri sinplea da, baino erabat errotuta dago herrian eta herritarren artean. Lezoko Ihauteria da, gurea, gure Jaizkibelekin, gure pertsonajeekin, originala”. Halako Ihauteri herrikoiak, Oiartzunen eta Lezon baino ezin direla aurkitu Oarsoaldean, nabarmendu dute Urkizuk eta Legorburuk, eta lezoarrak zein eskualdeko biztanle guztiak deitu dituzte Lezoko ihauteriekin bat egitera: “Batez ere, larunbat gorriko Trapujaleren omenaldiarekin, herriak herriarentzat egindako ekitaldia izango delako”.
Hogeita bost urte pasa diraTrapujale pertsonajea sortu zenetik eta urteurren garrantzitsua ospatzeko ekimen berezia antolatu du trapujale taldeak hilaren 9rako, larunbat gorrirako hain zuzen ere. “Herritik, herriarentzat antolatutako ekimena izango da, omenaldi xumea, jakin badakigulako udalaren egoera ekonomikoa zein den”, azaldu dute Nekane Urkizu eta Jon Legorburuk, trapujale taldeko kideek. Omenaldia egi bihurtzeko ate ugari jo behar izan dituzte, baina uzta jaso dute eta lan horri esker, merezitako omenaldia jasoko du Jaizkibel menditik behera ihauterietan urtero-urtero Lezora datorren Trapujalek. “Egoera azaldu eta gure asmoaren berri eman diegu herriko hainbat eragileri. Harrera ezinhobea izan da eta horri esker 120tik gora lagun pasako dira oholtza gainetik bere ekarpena egitera”.
Karlos Saldise plazak hartuko du ekimena 19:00etatik aurrera, eta Orratx! antzerki taldeak, Iñaki Labakak, Lorea Intxaurrandietak, Murixka Dantza taldeak, Sutargi eta Aiton Bordako abesbatzak, Atzekoate Zortzikoteak, eta Trikisound taldeak egin nahi izan dute bat ekimenarekin.
Trapujale herri dantza
Larunbatekoa ez da ordea Trapujaleri egingo dioten opari bakarra. Izan ere, ostegun zurian Trapujale herri dantza aurkeztuko dute estreinekoz Gurutze Santuaren plazan pregoia eta arranpuilaren ostean. “Ihauteriari beste ukitu bat eman nahi genion, eta dantza bat, propioa, edukitzea beharrezkoa iruditu zitzaigun. Orain hori ihauterietako dantza tradizionala bilakatu nahi dugu”, esan du Legorburuk.
Trapujaleren irudia Lezoko etxe guztietara eraman nahi dute bestalde, “haurrek gelan gure herriko pertsonajearen irudia izan dezaten nahi dugu”, azaldu dute Urkizuk eta Legorburuk. Horretarako, orain bost urte argitaratutako Trapujale ipuinerako Jose Luis Landa marrazkilariak sortutako irudiak baliatu dituzte eta posterra sortu. 500 ale egingo dituzte eta bi eurotan salduko dituzte, “diru hori ekoizpen gastuak ordaintzeko erabiliko dugu”. Ipuina bera ere berreskuratuko dutela esan dute Trapujale taldeko kideek, azken hori bost euroan salduko dute.
Pertsonaje herrikoia
Haurren beldurra lehenik, eta ezagutzearen poderioz samurtasuna pizten duen Trapujale, ihauteri herrikoien oinarria izan zela nabarmendu du Urkizuk: “Pertsonajea sortu zen lehenik. Joseba Aurkenerena zinegotzi zela, euskal ihauteriak egitea proposatu zuen eta orduan aisialdian zebilen Ekaitza taldeak hartu zuen ideia, eta Ixerkak ondoren. Azken horrek 2006an utzi zuen eta orduan hasi ginen gu, Trapujale taldea, lanean”. Pertsonajea sortuta, horren gaineko kondaira harilkatu, eta Tomas Garbizu Musika Eskolak musikatu egin zuen, ondoren.
Izena bera ere, berreskuratu egin zuten. Urkizuk gogora ekarri duenez, trapujale izenarekin izendatzen zituzten lezoarrak, ondoko herrietako biztanleek. “Oinarri ekonomikorik ez genuen antza, pobreak ginen. Errenteria, Oiartzun eta Irungoek ziotenez, hainbeste gose pasatzen omen genuen trapuak ere jaten genituela. Hortik hartu genuen gure herriko pertsonaje famatuena denaren izena”.
Gora beherak izan dituela onartuta, Trapujale eta Lezoko ihauteri herrikoia mantendu dela nabarmendu du Legorburuk, eta orokorrean balorazio “baikorra” egin du: “Balio handiko zerbait sortu genuelako orain 25 urte. Ihauteri sinplea da, baino erabat errotuta dago herrian eta herritarren artean. Lezoko Ihauteria da, gurea, gure Jaizkibelekin, gure pertsonajeekin, originala”. Halako Ihauteri herrikoiak, Oiartzunen eta Lezon baino ezin direla aurkitu Oarsoaldean, nabarmendu dute Urkizuk eta Legorburuk, eta lezoarrak zein eskualdeko biztanle guztiak deitu dituzte Lezoko ihauteriekin bat egitera: “Batez ere, larunbat gorriko Trapujaleren omenaldiarekin, herriak herriarentzat egindako ekitaldia izango delako”.
