Santa Agedako koplak Trapujaleri eskainiko dizkio musika eskolak
Trapujaleri eta bere ingurukoei eskainiko dizkio Santa Ageda eguneko koplak musika eskolak datorren astelehenean. Trapujaleren 25. urteurrena dela eta hartu dute erabakia, eta horrenbestez, Lezoko Mañontzi Bertso Eskolako taldeak harentzat egokitutako bertsoak sortu ditu.
Musika eskolatik irtengo dira santa eskean Aiton Borda abesbatza eta musika eskolako taldeak otsailaren 4an 19:00etan, herriko kaleetan barrena koplak abesteko. Ekitaldia parte hartu nahi duen herritar orori irekia dela nabarmendu dute antolatzaileek, eta parte hartzera deitu dituzte lezoar guztiak.
Ibilbidea
Musika eskolatik abiatuta, Ijurko, Atzekoate, eta Kale Nagusia zeharkatuko dituzte, Gurutze Santuaren plazan amaitzeko. Eguraldi txarrarekin, Saldisen egingo dute.
Mañontzi Bertso Eskolak Trapujaleri egindako koplak
I.- IX- ZORION ETXE HONTAKO DENOI OLES EGITERA GATOZ TRAPUJALEREN ISTORIOA HERRIAN ZABALDU ASMOZ. II.- DUELA KRISTON DENBORA PILA JATEN GENITUN TRAPUAK HORREGATIK OMEN GARA ORAIN TRAPUJALE LEZOKUAK. III.- MARTIXKONETIK OSTEGUNZURIN JAISTEN DENEZ TRAPUJALE BARRIKOTE TA DANTZA GIROAN GUZTIOK PARRANDAZALE IV.- MARINAZKANEK ETA ARTZAINEK ZAZPI ARDIEN TRATUA EKAITZIK GABEKO URTE BATEZ HAUTSI ZUTEN KONTRATUA V.- MUNTTAR TA BESTE SEI ZIRIKUEK EGIN ARREN LAPURRETA TRAPUJALERI ERRUA BOTAZ ZABALDU ZEN SALAKETA VI.- EPAILEAREN MAILUKADEKIN ASTEARTEKO EPAIA AGUAZILAREN KATE ARTEAN GERO HERIO-BIDAIA VII.- BURUA MOZTU ETA ZAKUA HEGAN SUTARA BADOA TRAPUJALETIK IRTETEN DIRA TXORIZOA TA ARDOA VIII.- TRAPUJALEREN IZPIRITUA ENTZUTEN DA BAT-BATEAN NEGARRIK EZ NI ETORRIKO NAIZ BERRIZ DATORREN URTEAN.
