Bixintxoen bigarren asteburuan, elkartasuna nagusi
Bigarren asteburua dute Hendaiako Bixintxo Bestek. Atzo profesionalen arteko pilota partidek eraman zuten besten protagonismoa, eta gaur, berriz, elkartasunak. Izan ere, Daniel Ugarte pilotalekuan alboko esklerosi amiotrofikoa gaixotasuna duten hiru hendaiar laguntzeko herri kirol jaialdia egin dute, eta horri esker, Morokoko Marathon Des Sables lasterketara joan ahal izango dute gaixo horiek, sendagile bat sustengatzera. Jaialdian, besteak beste, trontzetan, harria jasotzen (bideoan), lokotxetan eta bestelako kiroletan ibili dira. Eguna bukatzeko, 17:30ean, mus txapelketa egitekoak dira Merkatu Zaharrean.
Hendaiako festen egitarau ofiziala bihar bukatuko da, igandearekin. Hona Besta Batzordeak prestatu dituen ekimenak:
- 09:30ean, sukalki txapelketa Merkatu Zaharrean.
- 10:00etan, txistularien alardea Hendaiatik.
- 10:30ean, meza Bixintxo elizan.
- 11:30ean, mutxikoak eta fandango lehiaketa Errepublika plazan (eguraldi txarrarekin, eskolan)
- 12:30ean, sukalki txapelketa bukatuko da, eta epaileek dastaketa hasiko dute.
- 13:30ean, sukalki herri bazkaria, Merkatu Zaharrean.
