Bigarren zatian galdu du partida Hondarribia-Irunek Huelvan, 81-80
Lehen bi laurdenetan egindako lan ona ez zuen baliatu atzo Hondarribia-Irunek, eta bi azkenetan egindako akatsengatik galdu zuen partida Huelvako Recreativo Conqueroren kontra, 81-80. Azken segundora arte izan zuten lehia irabazteko aukera berdeek, baina etxekoen bigarren zatiko aldarte ona ezin izan zuten gelditu, eta sasoiko zortzigarren porrota jaso zuten (zazpigarren daude sailkapen nagusian). Lehen zatiaren bukaeran 12 puntuz aurretik ziren berdeak.
Hondarribia-Irunen puntu gehien sartu zituztenak Karcic (22 puntu), Lucas (22) eta Suarez (17) jokalariak izan ziren.