Ihoteetarako karroza prestatzen ari dira Elizalde ikastetxean
Lehen aldiz, Ihoteetarako karroza prestatzen ari dira Elizalde ikastetxean, eta datorren igandean (otsailaren 3an) aterako dute kalera, intxixu eta sorginen jaien egitarauaren barruan.
Guraso elkarteko hainbat kide dabiltza horretan lanean ikasleekin batera, eskola orduz kanpoko ekintzak plazaratzeko asmoz. Eugenio Arozena antzerkian adituak eman zien ideia. Arozenak hitzaldia eman zuen Elizalden, Ipar Euskal Hrriko karrozak, libertimenduak, asto lasterrak… azaldu zituen. Hala, karrozarena ideia ona iruditu zitzaien, eta lanean hasi ziren.
“Ilusio handiz” prestatzen ari dira dena, “ez bakarrik orduz kanpoko ekintzetan aritzen diren ikasleak, guztiak ari dira bertsoak eta dantzak ikasten”. Intxixu buruak egiteko tailerrak ere antolatu dituzte eguerditan. Gurasoak ere beren parte hartzea prestatzen ari dira, eta zaku eta sorgin mozorroak egiteko tailerrak antolatu dituzte ostegunetan, 16:30etik 17:30era, eskolako jantokian. Dantzak ikasteko tailerrak ere egiten dituzte, ostiraletan 16:30etik aurrera. Helburua argia da Elizaldeko arduradunek zehaztu dutenez: “Guztiok elkarrekin, ikasle, familiak eta irakasleak, ongi pasatzea eta herriko inauteriaz gozatzea”.
Datorren igandean, eskolan ematen diren orduz kanpoko ekintzak parte hartuko dute karrozaren ekimenean: antzerkia, bertsoak, euskal dantza, trikitixa, musikariak… izango dira, eta astoaren ordez ponia izango dute.
Elizaldetik 11:30ean abiatuko dira trikitixa eta eskolako musikarien doinuek lagunduta, ondoren Belutene parean alboka, bertsoak eta euskal dantzak eskainiko dituzte. Gero, Euskal Herria plazan antzerkitxo bat eta dantzak egingo dituzte; eta bukatzeko Doneztebe plazan guztiek eskainiko dute beren emanalditxoa.
“Ilusio handiz” prestatzen ari dira dena, “ez bakarrik orduz kanpoko ekintzetan aritzen diren ikasleak, guztiak ari dira bertsoak eta dantzak ikasten”. Intxixu buruak egiteko tailerrak ere antolatu dituzte eguerditan. Gurasoak ere beren parte hartzea prestatzen ari dira, eta zaku eta sorgin mozorroak egiteko tailerrak antolatu dituzte ostegunetan, 16:30etik 17:30era, eskolako jantokian. Dantzak ikasteko tailerrak ere egiten dituzte, ostiraletan 16:30etik aurrera. Helburua argia da Elizaldeko arduradunek zehaztu dutenez: “Guztiok elkarrekin, ikasle, familiak eta irakasleak, ongi pasatzea eta herriko inauteriaz gozatzea”.
Datorren igandean, eskolan ematen diren orduz kanpoko ekintzak parte hartuko dute karrozaren ekimenean: antzerkia, bertsoak, euskal dantza, trikitixa, musikariak… izango dira, eta astoaren ordez ponia izango dute.
Elizaldetik 11:30ean abiatuko dira trikitixa eta eskolako musikarien doinuek lagunduta, ondoren Belutene parean alboka, bertsoak eta euskal dantzak eskainiko dituzte. Gero, Euskal Herria plazan antzerkitxo bat eta dantzak egingo dituzte; eta bukatzeko Doneztebe plazan guztiek eskainiko dute beren emanalditxoa. 
