Eleak-ek babes harresi bat eraikitzeko garaia dela esan du
Lehengo larunbatean atxilotu zituzten Xabier Lujanbio, Maitane Linazasoro eta Arkaitz Anza Errenteria-Oreretako gazteak, eta Eleak mugimenduak atxiloketa horiek kritikatu ditu. Era berean, beste bi gazte ere jakinarazpenaren zain daudela gogorarazi du, eta hori jaso eta hamar eguneko epea izango dute euren burua aurkezteko. Egoera horretan, euskal herritar guztientzat ez dagoela giza eskubiderik esan, du “zigorra baizik”. Hala, “garaia” dela esan du “denon artean babes harresi bat eraikitzeko”.
Horrela, euskal jendarte osoari, “herri eragile, sindikatu zein alderdi politiko guztiei, herritar guztion eskubide zibil eta politikoak oinarri izanik, denon arteko, elkarbizitzan eta jendarte kohesioan urratsak” eman ditzatela eskatu die, “Madrilgo gobernuak errepresio bideak bazterrean uzteko”.
