Indoor triatloia egingo dute Errenterian
Larunbatean I. Errenteriako Indoor Triatloia egingo dute, Fanderian. Parte hartzaileek 500 metro egin beharko ditu igerian (igerilekuan bertan), 10 kilometro bizikleta estatikoan, eta 2,5 kilometro lasterka, Fanderiako bidegorrian barrena.
Hiru modalitate izango dira: gizonak, emakumeak eta taldeak. Talde bakoitza hiru kirolarik osatuta egongo da, eta bakoitza diziplina batean ariko da.
Proba hori Serviocioren indoor triatloi zirkuituaren barruan dago. Bost jardunaldi ditu, eta bakoitza udalerri batean jokatzen dute.
Izena emateko Galtzaraborda zein Fanderiako instalazioetan egin ahal izango da edo telefonoz, 943 44 96 90 (Galtzaraborda) edo 943 34 44 23 (Fanderia) zenbakietan. Harpidedunek 3 euro ordaindu behar dituzte, eta taldeen modalitatean parte hartzen dutenek 6 euro.
