Arraztaloren lana ezagutu dute Zamudioko ospitalekoek

admin

Bidasoa

2013/01/23

Baratzeak eta garbigunea bisitatu zituzten Zamudioko ospitalekoek

Zamudioko ospitale psikiatrikotik hainbat begirale, gizarte langile eta gaixo etorri ziren atzo Oiartzunera, Arraztalo elkarteak duen baratzeen proiektua gertutik ezagutzeko. Izan ere, Zamudion antzeko proiektua jarri nahi dute martxan. “Bisitaren helburua Zamudioko proiektuan parte hartuko duten horiei, horrelako zerbait egin daitekeela ikusaraztea izan da”, adierazi dute Arraztalotik. Arraztaloren egoitzan azalpen batzuekin hasi zuten bisita eta bertan hamaiketakoa ere egin zuten 25 lagun inguruk. Gero, Arraztalok Zokolo bidean duen baratzera joan ziren, elkarteak nekazaritzarekin lotuta egiten dituen ekintzak ikusteko. Talaian dagoen eta Arraztalok kudeatzen duen garbigunera ere joan dira bisitariak, birziklapena eta hondakinen sailkapena nola egiten den ikusteko. Bisita Petra Lekuona zaharren egoitzaren ondoan dagoen baratzean bukatu zuten, “bertan baitago sasoiko uzta gehiena”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.