Auzoetan harturtako konpromisoen egoeraren berri emango du udalak
Irungo Udalak Alkatea auzoetan ekimenaren barruan hartutako konpromisoen jarraipenaren berri emango du webgunean ,programaren izen bereko atalean. Artiga, Dunboa, Larreaundi, Belaskoenea eta Behobian bildutako kexa eta iradokizunen berri emango du udalak. Horiez gain, Elitxu-Lapitzeko bizilagunekin ere egin ditu bilkurak alkateak
Kolore ezberdinak erabiliz adieraziko du tokiko gobernuak zein puntuetan aurkitzen diren esku hartze horiek. Hala, kolore berdeak eginkizunak bete direla adieraziko du; kolore hori ilunak, momentura arte esku hartu ez dela esango du; hori argiak bere aldetik, prozedura bidean dela jakitera emango du; eta kolore gorriak egin beharreko azterketen ondoren, prozedura ezingo dela gauzatu azaleratuko du.
