Bi gizon zauritu dira Errenterian izandako bi istriputan
Bi gizon zauritu dira gaur goizean, Errenteria-Oreretan izandako bi istriputan: bat GI 20 errepidean, eta bestea, AP 8 autobidean; biak Irunera bidean. Bi istripuetan autoa errepidetik atera da.
Segurtasun Sailak jakinarazi duenez, 06:45ean izan da lehenbiziko istripua, GI 20 errepidean, Errenteria-Oreretan. Audi 3 auto bat errepidetik atera da, eta 39 urteko gizon bat Donostia ospitalera eraman dute, hainbat zaurirekin. Errepide berean, beste bi auto ere errepidetik atera dira ordu horretan, eta eskuineko bidea itxi behar izan dute, eta ilarak izan dira Irunerako bidean.
Ordu erdi beranduago, berriz, 29 urteko gizon bat Donostia ospitalera eraman dute autoa errepidetik aterata zauritu delako. Istripu berean trailer bat eta auto bat ere nahasi dira.
