Hondakinen Batzordeak auzoetako bilerak hasiko ditu
Ingurumen Aholku Kontseiluaren barruko Hondakinen Batzordeak hasierako hausnarketa egin ondoren, auzoetako bilerak martxan jarriko ditu datorren astetik aurrera. Herriko auzo guztietatik pasatuko da, eta bi txandatan aurrera eramatea espero du.
Lehenengoan, hondakinen arloan herriak duen egoera jakinaraziko diete herritarrei, eta dokumentazioa ere banatuko diete. Horrez gain, sistema berriak barneratu beharko lituzkeen irizpideak azalduko dizkiete. Bigarrenean, berriz, lan taldeak proposatutako sistemaren gainean eztabaidatuko dute, baina oraindik ez dituzte datak zehaztu.
Hondakinen Batzordea urrian hasi zen lanean, eta gaurdaino sei inguru bilera egin ditu. Bilerak irekiak izan dira, eta edonork parte hartzeko aukera izan du. Hala eta guztiz ere, batzar horietara joaterik izan ez duten herritarrengana iritsi asmoz egingo dituzte auzoetako errondak. Horretarako, atari guztietan jarriko dituzte oharrak. 
Batzordeak aurreratu duenez, “hondakinak Errenterian benetako arazo” direla ikusi dute bilera horretan. Adibide bezala jakinarazi dute herrian %37 birziklatu zela 2011n, eta jaitsi egin dela birziklatutakoaren kopurua. Birziklatzea gehien lortu zen urtea 2008 izan zen %38arekin.
Bilerak
Batzordeak aurreratu duenez, “hondakinak Errenterian benetako arazo” direla ikusi dute bilera horretan. Adibide bezala jakinarazi dute herrian %37 birziklatu zela 2011n, eta jaitsi egin dela birziklatutakoaren kopurua. Birziklatzea gehien lortu zen urtea 2008 izan zen %38arekin.
Bilerak
- Hilak 14, Iztieta: 19:30ean, Gurekin auzo elkartean (Iztieta 1. B)
- Hilak 15, Kaputxinoak: 18:00etan, Kaputxinoak auzo elkartean (Galtzaraborda 99)
- Hilak 15, Agustinak: 19:30ean, Agustintxo auzo elkartean (Elias Salaberria 8)
- Hilak 16, Pontika: 19:30ean, Pontika auzo elkartean (Pontika 10)
- Hilak 16, Beraun: 19.30ean, Beraun-Ongi etorri auzo elkartean (Aita Donosti 6-8)
- Hilak 17, Alaberga: 19:30ean, Alaberga-Arditurri auzo elkartean (Alberga 9, B)
- Hilak 22, Galtzaraborda: 17:00etan, Gure Leku auzo elkartean (Parke 26)
- Hilak 22, Erdialdea: 19:30ean, Reina aretoan-Xenpelar 2.
- Hilak 22, Fanderia-Markola: Fanderiako Erdiko Erreka auzo elkartean (Dolores Ibarruri 4 .B)
- Hilak 23, Gabierrota-Lartzabal: 19:30ean, Gabierrota-Laguntasuna auzo elkartean (Gabierrota z/g)
- Hilak 27, Zamalbide: 11:00etan, Zamalbide-Bentak auzo elkartean (Eleiz azpia)
- Hilak 29, Olibet eta Etxe Berriak: 19:30ean, Olibet-Etxe Berriak auzo elkartean (Olibet 2)
- Hilak 30, Gaztaño: 19:30ean, Bukagaitzen (Gaztaño 13-B)
