Ihoteei begira jarri dira dagoeneko Kale ekintzan
Kale ekintzak urtarrilean egingo dituen hiru saiotan Ihoteak prestatuko dituzte. Zakuak, txapelak, sorginen maskarak, intxixuen buruak… egingo dituzte haurrek. Saio horiek hilaren 12an, 19an eta 26an izango dira, Gurutzeko Bizardia elkartean, 16:30ean hasita.
Eskulanak egiteko materiala etxetik eraman beharko da; dena den, Ttakek oinarrizko materiala jarriko du: guraizeak, kola, zelo, artilea, margoa, pintzelak, grapagailuak, akuarelak…
Etxetik eraman behar den materiala birziklatu eta berrerabili daitekeena izan dadin ahalegintzeko eskatu dute: egunkari eta kaxa zaharrak, sobran dauden oihal zatiak, maindire zuriak…
Gauza bakoitza egiteko zein material behar diren zehaztu du Ttakek:
Intxixu burua: Kartoizko kaxa (tamaina ertainekoa), egunkariak eta adarrak egiteko materiala.
Sorgin txapela: Oihal zuria (2 metro), jostorratza, haria eta egunkariak/kotoia.
Sorgin maskara: Maskara.
Zakua: Zakua, oihal puskak, pastorratza eta artilea.
Txapela: Lastozko txapela, oihal puskak, pastorratza eta artilea.
