Lagun bat atxilotu dute eta beste hiru inputatu lapurtzea leporatuta
Oiartzungo etxe batetik dirua, bitxiak eta erlojuak lapurtu dituztela egotzita, pertsona bat atxilotu eta beste hiru inputatu dituzte Segurtasun Sailak jakinarazi duenez. Ertzaintzak erlojuak eta dirua berreskuratu ditu, baina bitxiak non dauden ikertzen dabil.
Ustezko lapurreta atzo izan zen. Ertzaintzak herriko etxe batean lapurtu zutela jakin zuen eta ustezko lapurrek auto batean ihes egin zutela. San Pedron topatu zuten gerora auto hori. Autoko lau lagunak identifikatu zituen Ertzaintzak, “horietako batek diru eta bost erloju zeramatzan gainean”, Segurtasuna Sailaren arabera.
