Musika ikasleek hamaika emanaldirekin itxiko dute lehen hiruhilekoa
2012-2013 ikasturtearen lehen hiruhilekoa bukatzear da, eta hainbat emanaldi aurreikusi dituzte Udal Musika Kontserbatorioko ikasleek azken txanpa betetzeko. Zenbait hitzordu finkatu dituzte urte bukaerara arte, eta gehienak Irunen izango diren arren, Baionako katedralean ere ariko dira ikasleak. Hala, irailetik urtea bukatu arte, 42 izango dira ikasleek emandako kontzertuak. Atzo abiatutako zikloari segida emanez, gitarra ikasleak ariko dira gaur kontserbatorioko auditorioko agertokian. Bihar, berriz, biolin ikasleen txanda helduko da, eta leku berean ariko dira jotzen, 18:30ean abiatuta. Zaharren egoitzak ere alaituko dituzte ikasleek, eta Ama Xantalen eta Caser egoitzak bisitatuko dituzte: azken horrek 10. urteurrena betetzen duela ere ospatuko dute. Horrez gain, San Tomas azokan ere parte hartuko dute musikari gazteek, eta bukatzeko, Baionako katedralean izango dira igandean. Atzokoak abesbatzarekin Raffaela Acellak zuzendutako Musika Eskolako Orkestra Atzokoak abesbatzarekin ariko da larunbatean, Amaia KZko auditorioan. Urteroko Gabonetako kontzertua da Atzokoak abesbatzarena. Zentzu horretan, kontzerturako gonbidapenak Turismo Bulegoan jaso daitezkeela jakinarazi du udalaren Kultur arloak. Udal Musika Kontserbatorioko ikasleen egitaraua: Abenduak 19. Ana Ayneto irakasleak zuzendutako gitarra taldearen emanaldia, 17:00etan, Kontserbatorioko auditorioan. Abenduak 20. Biolin ikasleen saioa Kontserbatorioan, 18:30ean. Abenduak 21. Caser zaharren egoitzan emanaldia eskainiko dute ikasleek. Halaber, txistu eta trikitilari taldea Urdanibia plazako San Tomas azoka girotzen ariko da eta Ama [...]
2012-2013 ikasturtearen lehen hiruhilekoa bukatzear da, eta hainbat emanaldi aurreikusi dituzte Udal Musika Kontserbatorioko ikasleek azken txanpa betetzeko. Zenbait hitzordu finkatu dituzte urte bukaerara arte, eta gehienak Irunen izango diren arren, Baionako katedralean ere ariko dira ikasleak. Hala, irailetik urtea bukatu arte, 42 izango dira ikasleek emandako kontzertuak.
Atzo abiatutako zikloari segida emanez, gitarra ikasleak ariko dira gaur kontserbatorioko auditorioko agertokian. Bihar, berriz, biolin ikasleen txanda helduko da, eta leku berean ariko dira jotzen, 18:30ean abiatuta.
Zaharren egoitzak ere alaituko dituzte ikasleek, eta Ama Xantalen eta Caser egoitzak bisitatuko dituzte: azken horrek 10. urteurrena betetzen duela ere ospatuko dute. Horrez gain, San Tomas azokan ere parte hartuko dute musikari gazteek, eta bukatzeko, Baionako katedralean izango dira igandean.
Atzokoak abesbatzarekin
Raffaela Acellak zuzendutako Musika Eskolako Orkestra Atzokoak abesbatzarekin ariko da larunbatean, Amaia KZko auditorioan. Urteroko Gabonetako kontzertua da Atzokoak abesbatzarena. Zentzu horretan, kontzerturako gonbidapenak Turismo Bulegoan jaso daitezkeela jakinarazi du udalaren Kultur arloak.
Udal Musika Kontserbatorioko ikasleen egitaraua:
- Abenduak 19. Ana Ayneto irakasleak zuzendutako gitarra taldearen emanaldia, 17:00etan, Kontserbatorioko auditorioan.
- Abenduak 20. Biolin ikasleen saioa Kontserbatorioan, 18:30ean.
- Abenduak 21. Caser zaharren egoitzan emanaldia eskainiko dute ikasleek. Halaber, txistu eta trikitilari taldea Urdanibia plazako San Tomas azoka girotzen ariko da eta Ama Xantalen zaharren egoitza ere bisitatuko dute.
- Abenduak 22. Atzokoak abesbatzarekin kontzertua emango du Kontserbatorioko orkestrak, Amaia KZn 20:00etan.
- Abenduak 23. Baionako katedralean emanaldia eskainiko dute, 17:00etan.
