Errenteria Musikalen kontzertuak hasiko dira astelehenean
Errenteria Musikalek Profesional mailan dauden ikasleen egutegiaren berri eman du. Astelehenean hasiko dira emanaldiekin, eta egun horretan sokazko musika tresnak jotzen dituzten ikasleen emanaldia entzun ahal izango da. Hurrengo egunetan, haizea eta p...
Errenteria Musikalek Profesional mailan dauden ikasleen egutegiaren berri eman du. Astelehenean hasiko dira emanaldiekin, eta egun horretan sokazko musika tresnak jotzen dituzten ikasleen emanaldia entzun ahal izango da. Hurrengo egunetan, haizea eta perkusioa, pianoa, eta akordeoi eta trikitia landuko dituzte. Kontzertu horiek guztiak 18:00etan hasiko dira, bigarrena izan ezik (19:30ean da) Errenteria Musikaleko entsegu gelan.
Hilaren 17an musika eta mugimenduaren txanda izango da, eta hurrengo egunean, berriz, baxu elektronikoa, klarinetea, kontrabaxua, dultzaina, perkusioa, pianoa, tronboia, biola, biolina, gitarra eta biolontxelo tailerra izango dira. Lehenengo emanaldia 18:00etan hasiko da, eta bigarrena, berriz, 18:30ean. Horiek ere entsegu gelan izango dira.
