Etxe kaleratzeen aurkako Bilduren mozioa onartu dute Oiartzunen
Kaleratzeak bertan behera uzteko eskatu du; beste mozio bat aurkeztu du EAJk eta hiru boto jaso ditu Etxe kaleratzeen gaia izan zen herenegungo udalbatzarreko —azaroari zegokiona— gai nagusia. Bilduk mozio bat aurkeztu zuen gaiaren gainean, eta EAJk beste bat. Bildurena atera zen aurrera, gobernu taldeko zazpi kideren aldeko botoekin. EAJ eta H1! abstenitu egin ziren. Mozio horrek etxe kaleratzeak bertan behera uzteko eskatzen du. Mozioarekin batera, hainbat konpromiso hartu ditu udalak: legedia aldatzeko exijitu du; alokairuetan ematen diren etxegabetzeak ere bertan behera uzteko eskatu du; kreditu entitateekin duen harreman instituzionala, ekonomikoa eta elkarlana berrikusiko ditu, gaiarekin duten jarreraren arabera; herritarrei informazio zehatza emateko konpromisoa hartu du; laguntza eta baliabideak emango dizkie; etxegabetzeen aurka lanean ari diren eragileekin elkarlanean ariko da udala; eta subiranotasun politikoa eskatu du, etxebizitza politika propioa egin ahal izateko. Datuak baino, pertsonak Aiora Perez de San Roman alkateak gogorarazi zuenez, «arazo larria» da etxe kaleratzeena, «are gehiago etxebizitza eskubidea oinarrizko eskubidea dela kontuan hartuta». Nabarmendu zuen, bestalde, datuen atzean pertsonak daudela, eta orain hartzen ari diren neurriak «oso berandu» heldu direla. Hala, udalak herritarrei laguntza eman behar diela azaldu zuen. EAJk beste mozio bat aurkeztu zuen. «Etxegabetzeen inguruan legedia aldatzeko» eskatzen zuen mozioak, eta «bitarte horretan etxegabetzeak [...]
Kaleratzeak bertan behera uzteko eskatu du; beste mozio bat aurkeztu du EAJk eta hiru boto jaso ditu
Etxe kaleratzeen gaia izan zen herenegungo udalbatzarreko —azaroari zegokiona— gai nagusia. Bilduk mozio bat aurkeztu zuen gaiaren gainean, eta EAJk beste bat. Bildurena atera zen aurrera, gobernu taldeko zazpi kideren aldeko botoekin. EAJ eta H1! abstenitu egin ziren. Mozio horrek etxe kaleratzeak bertan behera uzteko eskatzen du.
Mozioarekin batera, hainbat konpromiso hartu ditu udalak: legedia aldatzeko exijitu du; alokairuetan ematen diren etxegabetzeak ere bertan behera uzteko eskatu du; kreditu entitateekin duen harreman instituzionala, ekonomikoa eta elkarlana berrikusiko ditu, gaiarekin duten jarreraren arabera; herritarrei informazio zehatza emateko konpromisoa hartu du; laguntza eta baliabideak emango dizkie; etxegabetzeen aurka lanean ari diren eragileekin elkarlanean ariko da udala; eta subiranotasun politikoa eskatu du, etxebizitza politika propioa egin ahal izateko.
Datuak baino, pertsonak Aiora Perez de San Roman alkateak gogorarazi zuenez, «arazo larria» da etxe kaleratzeena, «are gehiago etxebizitza eskubidea oinarrizko eskubidea dela kontuan hartuta». Nabarmendu zuen, bestalde, datuen atzean pertsonak daudela, eta orain hartzen ari diren neurriak «oso berandu» heldu direla. Hala, udalak herritarrei laguntza eman behar diela azaldu zuen.
EAJk beste mozio bat aurkeztu zuen. «Etxegabetzeen inguruan legedia aldatzeko» eskatzen zuen mozioak, eta «bitarte horretan etxegabetzeak bertan behera uzteko, baita udalak finantza erakundeekin dituen harremanak berraztertzeko ere». Mozio horrek aldeko hiru boto jaso zituen (EAJ eta H1!). Bilduko zinegotziak abstenitu egin ziren.
Aiora Perez de San Roman alkatea eta EAJko Mikel Idiazabal ados jarri ziren, gainera, hurrengo batean gaiak aurrez lantzeko, herenegungo mozioak antzekoak izanik uste baitute bi aldeak akordio batera irits zitezkeela.
57,55 euroko gastua
Beste hainbat gai ere jorratu zituzten udalbatzarrean. Aurrerantzean, Behemendi elkartean udaleko ordezkaria Oihan Tello izatea onartu zuten, Pavel Viñasen ordez. Bilduk alde bozkatu zuen, eta EAJ eta H1! abstenitu egin ziren.
Udalak eta Eusko Jaurlaritzak Arraguako ARR-1B eremurako egindako hirigintza hitzarmena behin betiko onartu zuten gobernu taldeko kideek. EAJ abstenitu egin zen eta H1!-ek aurka bozkatu zuen.
Pikokarate mendiko lur zati bat partikular baten beste lur zati batekin trukatzeko proposamena ere aurrera atera zen, denen aldeko botoekin.
Margosoro Pintura Akademiako ikasle oiartzuarrei bekak emateko diru laguntzak ere onartu zituzten, aho batez.
Azkenik, urriko protokolo gastuen berri eman zuten udalbatzarrean: 57,55 euroko gastua izan zuen Alkatetzak urrian.
