Erakusketa berriak Xenpelar Etxean eta Merkatuzarren
Erakusketa berriak estreinatu dituzte Xenpelar Etxean eta Merkatuzarren, udalak adierazi duenez. Madalena kaleko etxean, Maribel Lopezen akuarelak ikusteko aukera izango da hilaren 22ra bitartean (ostirala). Xenpelar Etxean astelehenetik ostiralera dag...
Erakusketa berriak estreinatu dituzte Xenpelar Etxean eta Merkatuzarren, udalak adierazi duenez. Madalena kaleko etxean, Maribel Lopezen akuarelak ikusteko aukera izango da hilaren 22ra bitartean (ostirala). Xenpelar Etxean astelehenetik ostiralera dago zabalik arratsaldez, 17:00etatik 20:00etara.
Bestetik, Merkatuzarreko Jose Luis Caso aretoan, Xenpelar Arte Plastikoetako Udal Lantegietan aritu diren ikasleen lanak jarri dituzte. Zeramika, koadernaketa, argazkigintza, egur taila, gazteentzako tailerrak, patchwork, pintura eta berriztatzea landu dituzte ikasturtean zehar, eta orain, egindakoa ezagutzeko aukera izango da. Hilaren 26ra arte (asteartea) egongo dira bertan, eta astelehenetik ostiralera ikus daitezke 17:00etatik 20:00etara.
