Udan ez du atsedenik hartzen AEK-k
Uda euskara ikasteko aukera ona izan daiteke, eta baita ikasturtean zehar biltzen joandako ezagutza hori erakusteko aukera ere. Oarsoaldeko AEK-k ez du atsedenik hartuko, eta udako eskaintzaren berri eman du gaur, Errenteria-Oreretako Xabier Olaskoaga ...
Uda euskara ikasteko aukera ona izan daiteke, eta baita ikasturtean zehar biltzen joandako ezagutza hori erakusteko aukera ere. Oarsoaldeko AEK-k ez du atsedenik hartuko, eta udako eskaintzaren berri eman du gaur, Errenteria-Oreretako Xabier Olaskoaga plazan.
Zehazki, urrian izango diren hizkuntza azterketen deialdiak prestatzeko ikastaro trinkoa ikasteko aukera dago, Lezon, Oroitzene AEK-n. Irailaren 3tik 28ra izango da, eta 3 ordu izango dira egunero. Izena emateko Oarsoaldeko AEKren euskaltegiren batetik pasatu behar da uztailaren 6a baino lehen. Ikastaro osoak 100 euro balio ditu.
Bidasoan ere badu eskaintza AEK-k. Irunen, maila guztietako eta mintzamena lantzeko ikastaro trinkoak emango ditu.
Irailera begira, berriz, barnetegietara joateko aukera izango da. Askotariko aukera dago bertan: EGA edo C1 mailako azterketa prestatzeko barnetegia, B1 eta B2 mailetako azterketak prestatzekoa, bertsolaritza barnetegia, familia barnetegia, barnetegi ibiltariak, xiberera ikastekoak…
On-line ere badu eskaintza, B2/2. mailako, C1/3. mailako eta C2/4. mailako azterketa prestatzeko. Informazio gehiago lortzeko honako posta elektronikora idatz daiteke: e-idazkaritza[a bildua]aek.org.
