HITZA-k lau gonbidapen ditu ostiraleko elkartasun kontzerturako
Heldu den ostiral arratsaldean Udal Kontserbatorioak eta Atzokoak eta Ametsa abesbatzek Bizitzarako pentagramak goiburuko kontzertua eskainiko dute Amaia Kultur Zentroan. La Salleko anaiek sortutako Proyde-Proega fundazioak antolatu du, eta bildutako dirua Abidjanen (Boli Kosta) kudeatzen duten Akwaba haurren harrera zentrora bideratuko dute. Joan ahal izateko ezinbestekoa da gonbidapena lortzea. HITZA-k bi pertsonentzako bina sarrera ditu, posta elektronikoz eskaera egiten duten lehenengo bi lagunentzat. Gaur egin dute aurkezpena, udaletxeko bilera aretoan; bertan kontzertuaren antolakuntzan parte hartu duten talde eta erakundeetako ordezkariak egon dira: Maite Cruzado Irungo Udaleko Gizarte Ongizate eta Lankidetzarako ordezkaria, Fernando San Martin Kultura arlokoa, Jose Manuel Arrizabalaga eta Idoia Azpilikueta Proyde-Proega elkarteko kideak, Jose Manuel Tife Kontserbatorioko ordezkaria eta Fernando Etxepare Ametsa abesbatzako zuzendaria. Kontzertuaren aurkezle izango den Julian Iantzi ere izan da udaletxeko agerraldian. Udal gobernuko ordezkariek dei egin zieten irundarrei kontzertu solidariora joateko. “Fundazioaren eta, orohar, GKEen lana goraipatu behar da, baina gainera ostirlaeko kontzertuak badu beste zerbait, hots, elkarlanean antolatuta izan dela, eta horren ondorioa ez da batzea, biderkatzea baizik”, esan du Cruzadok. San Martinek, bere aldetik, “musika pertsonen askapenerako tresna bikaina” izan daitekeela esan du: “Gozatzeko aukera izango dugu, baina beste urrats bat emateko ordua da. Egia da krisian gaudela, baina beti dago norbait [...]
Ostiraleko kontzertuko antolatzaile eta parte hartzaileak, gaurko agerraldian
Heldu den ostiral arratsaldean Udal Kontserbatorioak eta Atzokoak eta Ametsa abesbatzek Bizitzarako pentagramak goiburuko kontzertua eskainiko dute Amaia Kultur Zentroan. La Salleko anaiek sortutako Proyde-Proega fundazioak antolatu du, eta bildutako dirua Abidjanen (Boli Kosta) kudeatzen duten Akwaba haurren harrera zentrora bideratuko dute. Joan ahal izateko ezinbestekoa da gonbidapena lortzea. HITZA-k bi pertsonentzako bina sarrera ditu, posta elektronikoz eskaera egiten duten lehenengo bi lagunentzat.
Gaur egin dute aurkezpena, udaletxeko bilera aretoan; bertan kontzertuaren antolakuntzan parte hartu duten talde eta erakundeetako ordezkariak egon dira: Maite Cruzado Irungo Udaleko Gizarte Ongizate eta Lankidetzarako ordezkaria, Fernando San Martin Kultura arlokoa, Jose Manuel Arrizabalaga eta Idoia Azpilikueta Proyde-Proega elkarteko kideak, Jose Manuel Tife Kontserbatorioko ordezkaria eta Fernando Etxepare Ametsa abesbatzako zuzendaria. Kontzertuaren aurkezle izango den Julian Iantzi ere izan da udaletxeko agerraldian.
Udal gobernuko ordezkariek dei egin zieten irundarrei kontzertu solidariora joateko. “Fundazioaren eta, orohar, GKEen lana goraipatu behar da, baina gainera ostirlaeko kontzertuak badu beste zerbait, hots, elkarlanean antolatuta izan dela, eta horren ondorioa ez da batzea, biderkatzea baizik”, esan du Cruzadok. San Martinek, bere aldetik, “musika pertsonen askapenerako tresna bikaina” izan daitekeela esan du: “Gozatzeko aukera izango dugu, baina beste urrats bat emateko ordua da. Egia da krisian gaudela, baina beti dago norbait inguruan gu baino okerrago dagoena”.
“Gozatzeko moduko” kontzertua
Iantzi eskertua azaldu da emanaldiko aurkezpen lanak egiteko berarekin gogoratu direlako. “Gauza bat da entzutea horrelako egoerak badaudela, eta beste gauza bat da haurren begiradak ikustea. Niri bidaietan tokatu izan zait begirada horiek ikustea, eta horregatik oso pozik nago kontzertua aurkezteko aukera eman didatelako. Nik pertsona hauek —GKEetako bolondresak— miresten ditut, mundua mugiarazten dutelako, eta miresten du¡itudan pertsonen ondoan izango naiz ostiralean”.
Emanaldian “kanta ezagunak eta gozatzeko modukoak” entzungo direla aurreratu zuen telebista aurkezleak. Bertaratzen direnek film labur bat ikusteko aukera ere izango dute, Proyde-Proegak Abidjanen egiten duen lana azaltzen duena. Arrizabalagak esan zuen Cesar Pan elkarte kidea dela bideoan haurrekin agertzen dena.
Ostiralean izango da Bizitzarako pentagramak kontzertu solidarioa Amaia KZn, 19:30ean hasita. Sarrera doan da, baina gonbidapenak behar dira sartzeko. Dagoeneko eskatu daitezke Turismo Bulegoan edo Amaia Kzko lehiatilan. Proyde-Proega fundazioak itsulapiko batzuk jarriko ditu Amaiko sarreran, ekarpenak egiteko. Kontzertura joaterik ez duenak transferentzia bidez lagundu dezake Akwaba etxearen jarduna (Kutxabankeko kontu honetan: 2101 0010 45 0010522126).
