Hondarribiko aireportua handitzeko proiektua alde batera utziko dute
Hondarribiko aireportua handitzeko proiektua alde batera utziko dute, baina egungo zerbitzuek berdin jarraituko dute. Sustapen Ministerioak dekretua prestatuko du, Espainiako eta Euskal Herriko hainbat aireportutako “salbuespen” egoera adi...
Hondarribiko aireportua handitzeko proiektua alde batera utziko dute, baina egungo zerbitzuek berdin jarraituko dute. Sustapen Ministerioak dekretua prestatuko du, Espainiako eta Euskal Herriko hainbat aireportutako “salbuespen” egoera adierazteko, hauen artean, Hondarribiko aireportuarena. Hala, segurtasun guneak jartzeko beharrezkoa den aireportuaren handitzea alde batera utziko dute.
Segurtasun espazio hauek, OACIk, Organización de Aviación Civil Internacionalek, legez onartuta dauzka eta larrialdi egoetarako erabiltzen dira. Hala ere, OACIk -berak, egoera geografiko edo urbanoak direla eta, handitzea egiteko zailtasunen ondorioz, salbuespen egoerak egon daitezkela onartzen du. Londreseko eta Belfasteko aireportuek adibidez, hala funtzionatzen dute.
Udala pozik erabakiarekin
Aitor Kerejeta, Hondarribiko alkatea, pozik dago albistearekin, izan ere “duela hamabi urtetik Udalak azaldu duen jarrera berretsi egiten du. Gainera, pozik gaude Mendeluko bizilagun, industrial eta langileengatik, denbora gehiegi eman baitute egoera gogorra jasaten. Hala, Aireportuak bere jarduerarekin jarraituko du, eta Mendeluko eta Hondarribiko berehalako etorkizuna argitu egin da”.
