Antzerki jardunaldiak, gaur hasita
Udalak eta Oiartzungo Antzerkizaleak Elkarteak Antzerki Jardunaldiak antolatu dituzte, gaur hasi eta igandera arte. DBHko ikasleei antzerkia hurbildu nahi diete, izan ere, datorren ikasturtean Antzerki Eskola martxan jarriko dute, adin tarte horretako ...
Udalak eta Oiartzungo Antzerkizaleak Elkarteak Antzerki Jardunaldiak antolatu dituzte, gaur hasi eta igandera arte.
DBHko ikasleei antzerkia hurbildu nahi diete, izan ere, datorren ikasturtean Antzerki Eskola martxan jarriko dute, adin tarte horretako gaztetxoentzat.
Gainera, aurten XII. Donostia Antzerki Saria irabazi duen Errenteriako Dejabu Panpin Laborategiak Gure bide galduak lana aurkeztuko du. Sarrera hiru euro ordaindu behar da. Sarrerak salgai daude Amaxkarren, Garmendi txokolategian eta Gazte Informazio Bulegoan.
Egitaraua:
- Gaur, bihar eta etzi: Esketxak ikastetxeetan.
- Hilak 26, larunbata: Gaztetxoentzako antzerki topaketa: Sudurpunti taldearen Baserrian galdurik eta Hortzakaren Eguzkilore, 11:00etan, udaletxeko areto nagusian. Ondoren, aktoreekin solasaldia.
- Hilak 27, igandea: Dejaburen Gure bide galduak, 19:00etan, udaletxeko areto nagusian.
