Helduen Eguna antolatu dute 2Daideko gazteek gaur arratsalderako
Pintxo eta toka txapelketak, eta karaokea egingo dituzte Axular plazan, erretiratuentzat Urtxintxa Eskolako Antxoko 2Daide taldeko gazteek egun berezia antolatu dute gaurko: Helduen Eguna. Urtean zehar, DBHko gazteek ikasketekin uztartu duten zerbitzu ...
Pintxo eta toka txapelketak, eta karaokea egingo dituzte Axular plazan, erretiratuentzat
Urtxintxa Eskolako Antxoko 2Daide taldeko gazteek egun berezia antolatu dute gaurko: Helduen Eguna. Urtean zehar, DBHko gazteek ikasketekin uztartu duten zerbitzu solidarioen metodologiarekin lan egin dute. Horrekin lotuta dago aisiako eskaintzak egitea ere. Erretiratuengan pentsatu dute gazteek oraingoan, eta gaur arratsalderako ekimenak antolatu dituzte.
18:30etik 21:00etara, Axular plazan, honakoak izango dira: pintxo txapelketa, karaokea eta toka txapelketa. Sariak ere banatuko dituztela iragarri dute gazteek. Herriko erretiratuei agertzeko deia egin diete eta ondo pasatuko dutela ziurtatu diete.
2Daideko gazteek, Pasaiako Euskara eta Inmigrazio Sailaren laguntza izan dute arratsaldeko ekimena antolatzeko.
