Joan den larunbatekoaren ondoren, zerura begira egongo dira Sagardo Eguneko antolatzaileak. Bertan behera geratu zen euriaren eraginez, eta oraingoan itxaropenez daude ez dela horrelakorik gertatuko, eta dena ongi aterako dela. Horretarako, prestatuta ...
FUTBOLA Bigarren B Maila Real Union-Gimnastica Torrelavega (igandea, 18:00etan, Galen). Erregional Ohorezko Maila Roteta-Behobia (larunbata, 16:30ean). Real Union B-Mondragon (larunbata, 15:30ean, Galeko belar artifizialeko zelaian). Erregional ...
Kabia egitasmoa abian jartzeko lehen urratsa emanda, bertatik sortutako lantaldeetatako kideek bilera berriak deitu dituzte gaurko eta biharko. Horrela, gaur bertan elkartuko dira normalizazio politikoa, teknologia berriak eta hirigintzaren gainean ari...
1512ko konkista salatu, eta oiartzuarrak ere Nafarroako Erresumaren parte izan zirela aldarrikatuko dute Konkistaren Astea antolatu dute, Nafarroaren historia ezagutarazteko. Oiartzungo Nafarroa Bizirik 1512-2012 Elkarteak antolatu du, Nafarroako konkistaren 500. urteurrena dela eta. Gaztelak Nafarroako Erresuma konkistatu zuela 500 urte betetzen dira aurten. Historialarien arabera, 1512an Nafarroako Erresuma indarrez eta bortxaz konkistatu zuen Gaztelak. Pasarte hori askotan desitxuratua izan da. Antolatutako ekimenekin, konkista salatu nahi du elkarte horrek, eta oiartzuarrak ere Nafarroako Erresumaren parte izan zirela aldarrikatu. Beloagako gazteluan plaka Bestalde, herritar talde batek, Beloagako gaztelua berreskuratu du, eta hilaren 12an plaka bat jarriko dute bertan. Beloagako gaztelua izan zen Nafarroako Erresuma defendatzeko gaztelu-gotorlekuetako bat. Oiartzuar talde bat, duela urte batzuk, Beloagako gaztelua berreskuratzeko asmoarekin lanean hasi zen: «Nafarroako Erresumako parte izan ginela aldarrikatzeko». Orduan, Beloagan ikurrina jarri zuten. Udalak eta Nabarraldek ere Euskal Herriko historiaren zati hori berreskuratzeko interesa bazutela jakin zutenean, haiekin bildu ziren eta ordutik, ingurua garbitu eta dokumentazio lan garrantzitsua egin dute. Udalaren eta Ttur-ttur Euskaltzaleon Bilgunearen laguntza jaso du Oiartzungo Nafarroa Bizirik-ek Konkistaren Asteko ekintzak antolatzeko. Udalak oiartzuarrei dei egin die antolatu dituzten ekitaldietan parte hartzeko. EGITARAUA Gaur ostirala. 19:00etan. Gartxot filma, udaletxeko areto nagusian. Osteguna, hilak 10. 19:30ean. Beñi Agirreren hitzaldia: 1200-1512. Gaizkileen mugak. [...]
Elkartasun jaialdia izango da hilaren 19an Errenteria-Oreretan. Pirritx, Porrotx eta Marimototsek Zazpikoloroa ikuskizuna aurkeztuko dute, eta ekimenean bildutako dirua Ademgi Gipuzkoako Esklerosi Anizkoitzaren Elkarteari emango diote. Diru hori, hain zuzen, 346 bazkide gaixoei birgaitze edo errehabilitazio zerbitzua emateko erabiliko dute. Jon Barriola Ademgiko gizarte langileak azaldu duenez, egiaztatuta dago gaixoen bizi kalitatea eta autonomia hobetu egiten dela errehabilitazioari esker. Gogorarazi du krisiak eta horrek ekarri dituen murrizketak direla eta, ez direla garai egokiak, baina finantzazioa beharrezkoa dutela horrelako proiektuek. Joxe Mari Agirretxe Porrotxek azaldu duenez, Ademgi bezalako “elkarte txiki baino balore asko transmititzen dituztenentzat bozgorailu” izan nahi dute, eta era berean, lankidetza sustatu. Gaineratu duenez, saio alai bat egingo dute, eta “zazpi euroak, arratsalde ona pasatzeko, eta elkarteari laguntzeko” izango dira. Hain zuzen, horixe izango da sarreren prezioa, zazpi euro, eta dagoeneko eros daitezke Xenpelar Kultur Dendan. Barriolak azaldu duenez, 1.200 sarrera jarriko dituzte salgai. ‘Zazpikoloroa’ Ikuskizun horretan Zazpikoloroaren istorioa kontatuko dute. Jaiotzear da mundua koloreztatuko duen loroa, baina norbaitek hori oztopatu nahi izango du: Belekoik. Arrautza bahituko du, eta Pirritx, Porrotx eta Marimototsek aurkitu beharko dute. Esklerosi anizkoitza: gazteei eragiten dien gaixotasun neurologiko ezezaguna Esklerosi anizkoitza 18-35 urte arteko pertsonei eragiten dien gaixotasun neurologikoa da, eta batik bat emakumeek [...]
“Preso eta iheslari politikoak Euskal Herrira ekartzea” helburu duen Herrira mugimenduko Irungo Bilguneak batzarra egingo du gaur arratsaldean Irungo Mendizaleak elkarteko egoitzan, 19:30etik hasita. Gaurko hitzordua hilaren 19an Euskal herri osoan egingo den Plazak Bete ekitaldia antolatzen hasteko izango da. Talde irekia dela gogoratu dute Herriratik: “Soberan dakigu Euskal Herrian garai berriak ireki direla, eta une erabakiar honetan denen bultzada, konpromezua eta lana ezinbestekoak direla”. Herrira mugimenduko Irungo taldeari buruzko informazio gehiago nahi duenak sortu berri duten webgunean edo Facebook orrian aurki dezake.
Gaztelutxo eta Zamalbide lotzen dituen U-33 hiri barruko autobus lineak Zamalbideko kaskoraino luzatu du zerbitzua. Orain arte, geldialdia bidegurutzean egiten zuen autobusak, kaskoraino iritsi gabe. Aste osoan zehar egingo du bidea mikrobusak, asteleh...
Bidasoan Euskaraz festa egingo dute gaurtik etzira arte Pausun. Antxeta Irratiak eta Berttoli eta Bakalau elkarteek antolatu dute aurten ere festa, eta egitarauaren barruan festari izaera ematen dion ekimenik bada, etzi goizean egingo dutena da, 09:00etatik aurrera Bidasoko itzulia egiteko asmoa dutelako parte hartzaileek. Hau da, antolatzaileen helburua bete-betean irudikatzen duen ibilaldia izango da etzikoa: Hendaia, Urruña, Irun, Biriatu eta Hondarribiko bizilagunak elkartu, eskualdeari bira eman, eta euskara indartu. Ondoren, bazkaria egingo dute Xaia ostatuan. Euskal Herrian otordurik gabeko festarik ez baita asmatu oraindik. [isabel mancebo balda] Bidasoan Euskarazen antolatzaileek nabarmendu dute bestaren muina elkarlana dela. Batetik, antolakuntzan Bidasoko hiru eragile daudelako, eta bestetik, dena aurrera eraman ahal izateko bertako elkarteen eta eragileen inplikazioa ezinbestekoa izan delako. Horren erakusle da martxotik abian dagoen pilota txapelketa, edo elkarteen arteko pintxo txapelketa. Uste horretakoa da Antxeta Irratiko Aitziber Zapirain: “Besta alde batetik antolatzen dugu irratiaren aldeko ekimen bezala, eta irratiaren lana zabaltzeko. Bestetik, uste dugu Pausuko gunea leku garrantzitsua dela Behe Bidasoa eskualdearentzako, bertan bat egiten dutelako eskualdeko herriek. Irratiak egunerokoan bertako elkarteekin eta eragileekin lan egiten duenez, urtean behin bederen horiekin guztiekin hiru eguneko egitaraua antolatzea beharrezkoa iruditu zitzaigun”. Zapirainek nabarmendu du bestarako ekimenak direla gehienak, ongi pasatzeko pentsatuta daudela. Bide [...]
Bihar, 20:00etatik aurrera, Ausardi antzerki taldearen Estrellas en paro antzezlana ikusteko aukera izango da Errenteria Hiria Kulturgunean. Beti Bizkor erretiratuen elkarteak antolatu du doako ekimen hori. Dohainik izan arren, sarrerak beharko dira, e...
Gaur arratsaldean aurkeztu dute Oreretako Herrira herri bilgunea. Ehundik gora lagunen aurrean, Niessen aretoan eman ditu lehen pausuak euskal preso eta iheslarien aldeko ekimenak, ekitaldi xume bezain hunkigarriarekin. Bideoak eman dio hasiera, eta ondoren dantzariek hartu dute taula aulki zuri hutsaren inguruan. Lau piezetako puzlea eraiki dute,ondoren, hainbat lagunek eta bertan eskuak, babesa, hitza eta kalea irakur zitezkeen. Oreretako Herrira bilguneko kide batek hartu du hitza ondoren. Presoekin,erbestaratuekin eta iheslariekin zer gertatuko den galdetuta, “atzerriak” bidaltzen duen mezua argia dela esan du: “Belauniko nahi ditugu,umiliatuak nahi ditugu, errendituak ala hilak. Hori da mezua. Ez dago erantzunik atzerritik, eskarnio hutsa ez bada. Horren aurrean,ordea, herri honek zerbait erakutsi badu amore ez duela ematen da”. Horrenbestez,”enpatea” apurtzeko garaia dela eta ezin dela “ezein soluzio ustekaberen” zain egon gaineratu du Herrirako kideak: “Preso, erbesteratu eta iheslariak guk ekarriko ditugu, guk ekarri behar ditugu. Bakoitzak duenetik emanaz”. Horren harira, deia luzatu die herritar guztiei, Oreretako Herrira bilgunearekin ”bat egin” eta guztien artean euskal preso, erbesteratu eta iheslariak etxeratzeko. Senideak oholtza gainean Ekitaldiaren unerik hunkigarriena, senideak oholtza gainera igo direnean bizi izan da. Txalo zaparrada artean hartu dituzte bertaratu diren herritarrek, Kalera borrokalari kanta abesten zuten artean eta aulki hutsak irudikatzen zituenen oroimenak, atzekaldeko pantaila hartzen zuen bitartean. [...]
Touring mailaz igo daiteke bihar, ligako sailkapen nagusian zazpigarren lekuan dagoen Andoaingo Euskaldunaren kontra irabazten badu. Talde gorritxoa lehenengoa da sailkapenean 69 punturekin, Ostadar bigarrenak baino hiru puntu gehiagorekin, eta liga bu...
Gaur gauean, 22:00etatik aurrera, Morritson eta Gartzia antzezlana taularatuko dute Gezala Auditoriumean. Helduentzako antzezlana da, euskaraz, eta zuzeneko musika ere uztartzen dute. Gartzia (Jon Urraza), bikote gabe eta ondorioz, etxe gabe gelditu d...
LABek eskaera bat aurkeztu du gaur udaletxeko erregistroan Eroski Niessen merkataritza zentroan irekitzekoa den supermerkatuaren harira. Hala, aurretik toki horretan lan egin zuten Sabecoko langileak kontuan hartzeko eskatu dio lanpostuak betetzerakoan: “Supermerkatua ireki behar duen honetan, Eroskiri bere eskubideen alde aritzeagatik kalean gelditu ziren langileengana jo eta lanpostuak betetzerakoan kontuan hartuak izan daitezen eskatzen diogu”. Horrez gain, igandeetan irekitzeko egiten ari diren kanpaina dela eta, jaiegunetan ez irekitzeko konpromisoa hartzeko eskatu dio: “Herriko merkataritza denda txikiekiko errespetuz eta langileek atsedenerako duten eskubidea bermatze aldera”. LABek gogorarazi du bi urte iraun zituela Sabecoko lan gatazkak, eta horren arrazoia “arautu beharreko lan hitzarmenaren aplikazioa” izan zela.
Udalak astelehenean hasiko da ura, zaborra eta estolderiaren tasetarako diru laguntza eskuratu nahi dutenen agiriak jasotzen. Eskaerak egiteko epea hilaren 17ra bitartean egongo da zabalik. Agiriak astelehenetik ostegunera jasoko dituzte –biak barne
Dagoeneko 30. Lexoti Saria egin dute Haurtzaro Ikastolan. Horrez gain, Eskolarteko Bertsolari Txapelketan ere parte hartuko dute ikastolako hainbat ikaslek. Urteroko usadioari jarraiki, joan den apirilaren 19an, 30. Lexoti Saria ospatu zuten Haurtzaro Ikastolan. Jantoki berriko areto nagusian elkartu ziren, LH Lehen Hezkuntzako hirugarren zikloko eta DBH Derrigorrezko Bigarren Hezkuntzako lehen zikloko ikasleak, bertsolari gazteak entzutera. Jaialdiak bi zati izan zituen, urtero izan ohi den bezala. Lehenengoan Lexoti Sariko bertso-paperak izan ziren protagonista. Horretarako, aurtengo lau irabazleak igo ziren oholtzara, eta beren bertso idatziak kantatu zituzten. Seigarren Mailako Lur Gaztelumendik kantatu zituen lehenik bere bi bertsoak. Eta jarraian, DBHko hiru irabazleen bertsoak entzun zituzten: Jokin Irastorzarenak, Beñat Ibargoienenak eta Paul San Sebastianenak. Azken hiru ikasle horiek gai berbera izan zuten: Zein izango litzateke zure egun perfektua? Hona bertsoen adibide batzuk. Lehena, Jokin Irastorzaren bat: Ametsen bidez aritu ohi naiz beti berari begira ikus litezken irudirikan politenak hauek dira oraindik badu berotasuna oraindik badu distira nahiz joan ez urrutira hona egin nahi du bira agian berak gogoan nauka eta nire bila ari da beraz guk biok bat egiteko eguna nuke desira. Paul San Sebastianena: Konkistatuko nuke neska ederrena nire bihotza azkar lapurtu duena haren muxu bat hartzen izango naiz lehena horixe [...]
Orereta Txiki eta Oñatiko Ganbara Txikitxoak abesbatzek kontzertua emango dute bihar, 20:00etatik aurrera, Fatimako Andra Mariaren elizan. Ekimena bi haur abesbatzen arteko trukearen barruan kokatu dute antolatzaileek. Izan ere, Orereta Txikikoak ap...
Inauguratu dute Talaian garbigune berria eguerdian. Bertan izan dira Ainhoa Intxaurrandieta San Markoseko Mankomunitateko lehendakaria; Aiora Perez de San Roman Oiartzungo alkatea eta Ainhoa Iraola Gipuzkoako Foru Aldundiko Ingurumen zuzendaria. Garbi...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
