Zabalik da udaleku itxi eta irekietan izena emateko epea
Uda urruti egon arren, planak egiten hasteko garaia da, eta haurren oporrei begira, Errenteriako Udalak urteroko eskaintza egin du. Dagoeneko aurrez izena emateko aukera dago udaleku itxi eta irekietan (Lousada eta Beire). Aurten berritasun ugari izango dira, eta nagusiena plazena izango da, ez baitira beste urteetan bezala mugatuak izango. Unai Unsuain Gazteria zinegotziak azaldu duenez, eskaeraren arabera indartuko dute eskaintza. Alegia, zozketa bakarra egingo dute (750 plaza: 300 txiki, 450 udaleku, 50 Beire eta 50 Lousada), eta zozketan sarituak direnek nahi duten txanda eta lekua aukeratu ahal izango dute. Iaz ez bezala, aurten lehentasuna izango dute orain arte udalekuetako txandarik lortu ez dutenek. Plazei dagokienez, Gizarte Zerbitzuek ere eskatu ahal izango dituzte, eta Txernobilgo haurrek ere izena eman ahal izango dute. Azken horiek, zozketan sartuko dira, herriko haurrak bezala. Denboraldi honetako beste berritasuna da abuztuko txanda desagertuko dela. Unsuainen arabera, eskaera gutxi izaten delako kendu dute. Horrez gain, aurten Gazteria Departamentuak bere gain hartuko ditu aurretiazko izen emateak. Beste urteetan azpikontratatutako enpresa bat arduratzen zen horretaz. Ardura hori bere gain hartuta, udalak 3.000 euro aurreztuko dituela jakinarazi du Unsuainek. Zabalkundetik ere aurreztuko du dirua udalak. Izan ere, triptikoak etxez etxe banatu beharrean, ikastetxetan eta ohiko tokietan (udal liburutegian, Gazte Informazio [...]
Uda urruti egon arren, planak egiten hasteko garaia da, eta haurren oporrei begira, Errenteriako Udalak urteroko eskaintza egin du. Dagoeneko aurrez izena emateko aukera dago udaleku itxi eta irekietan (Lousada eta Beire).
Aurten berritasun ugari izango dira, eta nagusiena plazena izango da, ez baitira beste urteetan bezala mugatuak izango. Unai Unsuain Gazteria zinegotziak azaldu duenez, eskaeraren arabera indartuko dute eskaintza. Alegia, zozketa bakarra egingo dute (750 plaza: 300 txiki, 450 udaleku, 50 Beire eta 50 Lousada), eta zozketan sarituak direnek nahi duten txanda eta lekua aukeratu ahal izango dute. Iaz ez bezala, aurten lehentasuna izango dute orain arte udalekuetako txandarik lortu ez dutenek.
Plazei dagokienez, Gizarte Zerbitzuek ere eskatu ahal izango dituzte, eta Txernobilgo haurrek ere izena eman ahal izango dute. Azken horiek, zozketan sartuko dira, herriko haurrak bezala.
Denboraldi honetako beste berritasuna da abuztuko txanda desagertuko dela. Unsuainen arabera, eskaera gutxi izaten delako kendu dute.
Horrez gain, aurten Gazteria Departamentuak bere gain hartuko ditu aurretiazko izen emateak. Beste urteetan azpikontratatutako enpresa bat arduratzen zen horretaz. Ardura hori bere gain hartuta, udalak 3.000 euro aurreztuko dituela jakinarazi du Unsuainek.
Zabalkundetik ere aurreztuko du dirua udalak. Izan ere, triptikoak etxez etxe banatu beharrean, ikastetxetan eta ohiko tokietan (udal liburutegian, Gazte Informazio Bulegoan eta Gazteria Departamentuan) soilik utziko ditu.
Akatsa
Triptikoaren euskarazko aldean akats bat dagoela azaldu du Unsuainek, zehazki, udalekuen txanden datetan: uztailaren 2tik 13ra izango da lehen txanda, eta uztailaren 16tik 30era bigarrena. 23an jai egingo dute.
