Donibane eskubaloi taldeak Ereintzaren aurkako derbia galdu du
Larunbatean Donibaneko udal kiroldegian jokatutako eskualdeko derbia kanpokoarentzat izan zen, Ereintza eskubaloi taldearentzat (23-27). Oreretarrek irabazi zuten Lurraldeko Lehen Mailako 16. jardunaldiari zegokion partida eta Donibanek bost punturekin...
Larunbatean Donibaneko udal kiroldegian jokatutako eskualdeko derbia kanpokoarentzat izan zen, Ereintza eskubaloi taldearentzat (23-27). Oreretarrek irabazi zuten Lurraldeko Lehen Mailako 16. jardunaldiari zegokion partida eta Donibanek bost punturekin jarraituko du hamaikagarren tokian; Urnietako soilik dute atzetik pasaitarrek; orain arte bi puntu besterik ez dituzte pilatu urnietarrek.
Datorren asteburuan Hegialderen kantxa bisitatuko du Donibanek. Legazpiarrak hirugarren postuan daude, 23 punturekin; hamaika partida irabazi dituzte, lau galdu eta bakarra berdindu.
Bigarren taldeak ere galdu
Lurraldeko Bigarren Mailako taldeak jipoi gogorra jaso zuen Arrasaten (38-22). Donibane zortzigarren postuan dago, sei punturekin, eta gertuago dago azken postutik, zazpigarrenetik baino, Arrasatek lau puntura ireki bai du sanjuandarrekiko tartea.
Hurrengo partida etxean jokatuko dute sanjuandarrek, Amenabarren kontra.
