Azken sailkatuaren kontra jokatuko du Allerruk bihar
Erregional Preferente Mailako Allerruk aukera ederra du asteburu honetan puntuak pilatzen jarraitzeko. Izan ere, azkeneko sailkatuaren, Kotskas-Miren Bihotzaren, zelaian jokatuko du bihar arratsaldean. Matigoxotegiko norgehiagoka 17:15ean hasiko da. Au...
Erregional Preferente Mailako Allerruk aukera ederra du asteburu honetan puntuak pilatzen jarraitzeko. Izan ere, azkeneko sailkatuaren, Kotskas-Miren Bihotzaren, zelaian jokatuko du bihar arratsaldean. Matigoxotegiko norgehiagoka 17:15ean hasiko da. Aurreko partida arerio indartsu bati irabazi ondoren, garaipenaren bidea urratzen jarraitu nahi dute zuri-berdeek.
Allerru Bk, berriz, Hernani B jasoko du Plazetan, 15:30etik aurrera. Lezoarrek igoera faseko bigarren garaipena eskuratu nahi dute jokatuko duten zazpigarren partidan. Orain arte hiru puntu besterik ez dituzte lortu fase horretan. Hernani B sailkapeneko bosgarren postuan dago, hamar punturekin.
Bi ordu beranduago emakumezkoen taldeak jokatuko du, Errenteria-Oreretako Beraungo futbol zelaian. Arrobi Berri izango dute arerio. Hirugarren postuan daude lezoarrak, eta garaipenarekin postuetan gora egin dezakete.
Saskibaloi taldekoek, berriz, etzi jokatuko dute. Zumarragan izango dute partida, Aluminios Francisco Alberdiren kontra. 17:00etan hasiko da lehia, bertako kiroldegian.
Allerru-Jaizkibelek ere etxetik kanpo jokatuko du. Eurek ere eskualdeko derbia izango dute: Oiartzunen kontra jokatuko dute, Elorsoro kiroldegian, 17:30etik aurrera. Oiartzuarrak bigarren dira.
