Gaur elkarretaratuko dira bi emakumeren kontrako erasoak salatzeko
Gaur elkarretaratzea egingo dute asteburuan San Pedron emakume bat bortxatu eta Trintxerpen beste bat jipoitu zituztela salatzeko. 20:00etan deitu dute bilkura; pilotalekuan edo ondoko biribilgunean izango da. Bi erasoak larunbat goizaldean gertatu zi...
Gaur elkarretaratzea egingo dute asteburuan San Pedron emakume bat bortxatu eta Trintxerpen beste bat jipoitu zituztela salatzeko. 20:00etan deitu dute bilkura; pilotalekuan edo ondoko biribilgunean izango da. Bi erasoak larunbat goizaldean gertatu ziren.
Emakume batek komisaldegian salaketa jarri zuen, igande goizaldean San Pedron bi gizonezkok bortxatu zutelako. Herrizaingo Sailetik esan dutenez ustezko bi erasotzaileak atxilotu zituzten, baina ukatu zuten erasoa beraiek egin izana. Ertzaintza ikertzen ari da, gertatutakoa argitzeko.
Eta Trintxerpen, oinezko batek emakumezko bat aurkitu zuen lurrean igande goizeko 06:40an Elosegi alkatea kalean; emakumeak aurpegian hainbat kolpe zituen aurpegian. Oinezkoak anbulantzia bat eskatu zuen eta Donostiako Ospitalera eraman zuten neska, zauriak sendatzeko. Gertakariaren berri jaso eta gero, Ertzaintza ikertzen hasi zen; igandean emakumeak salaketa jarri zuen.
