Lokalak etxebizitza gisara moldatzeko ordenantza eskatu du EAJk
Hutsik dauden lokalak etxebizitza bihurtu ahal izateko ordenantza bat eskatu du Pasaiako Udaleko EAJren udal taldeak. Taldeko bozeramaile Nahikari Oterminek azaldu duenez, “udalerrian finkatuta dagoen eta erabiltzen ez den ondare eraiki handia da...
Hutsik dauden lokalak etxebizitza bihurtu ahal izateko ordenantza bat eskatu du Pasaiako Udaleko EAJren udal taldeak. Taldeko bozeramaile Nahikari Oterminek azaldu duenez, “udalerrian finkatuta dagoen eta erabiltzen ez den ondare eraiki handia dago, eta, kasu gehienetan, hiri paisaiaren irudi degradatua sortzen du”. Horregatik, proposamen bat aurkeztu du EAJk, hurrengo hirigintza batzordean eztabaidatzeko. Jeltzaleek “lokalak bizitegi bihurtzeko prozedura arautu eta kontrolatu bat abiatzeko” proposatuko dute batzordean.
Oterminen ustez, asken urteetako prezio igoerarengatik biztanle askok ezin dute etxebizitza bat erosi, eta “egoera horrek botere publikoen aldetik neurri egokiak hartzeko beharra exijitzen du, pertsona orok etxebizitza duin bat edukitzeko eskubidea errealitate bihur dadin”.
Oterminek gaineratu du antzerako ekimenak garatu dituzten herri asko daudela: “Gure inguruko herrietan, urteak dira hirugarren sektoreko erabileratik bizitegi erabilerarako aldaketa egiteko ordenantzak martxan daudela, eta emaitza eta ondorio bikainekin gainera”.
