Cristina Laborda Irungo Mugikortasunerako delegatuak autobus zerbitzu berrien gaineko proposamena aurkeztu zuen Udalbatzan, atzokoan, eta, bertan behera gelditu zen. Proposamena egin bezain pronto, aurkako jarrera aurkeztu zuten gainontzeko alderdietako zinegotzi guztiek, eta bakar batek ez zuen haren jarrera aldatzeko asmorik agertu. Era berean, “murrizketak harrigarriak” direla argudiatuta, kexu agertu ziren Landetxa-Kateako auzo elkarteko kideak. Hori dela eta, ordu eta erdiko eztabaidaren ondotik, proposamena atzeratzea erabaki zuen Jose Antonio Santano alkateak. Hala, proposamen berriaren arabera, herriko autobusen inguruko kontratu aldaketa zen gainontzeko hautetsiek bozkatu behar zutena. Izan ere, ibilbide eta geltoki berriak aurrera eraman ahal izateko, kontratuaren esleipena aldatu beharra baitago. Modu horretan, herriko autobusak Gipuzkoako Foru Aldundiaren autobus zerbitzu berriekin koordinatzeko “beharrezkotzat” jo zituen Labordak aldaketak, martxoaren 1ean indarrean sartu behar baitziren ibilbide berriak. Delegatuak emandako datuen arabera, Gipuzkoan, autobusen erabiltzaile kopurua %13 hazi den bitartean, Irunen %7ko beherakada izan du. Beraz, erabiltzaileak erakartzeko neurriak ezinbestekotzat jo zituen PSOEkoak. Ibilbide eta denbora laburragoak, garraioen arteko aldaketak egiteko aukera, eta “erabiltzaile gutxi dauzkaten zerbitzuetan aurrezteko beharra” nabarmendu zituen, besteak beste, hautetsiak. Alderdi guztien ezetza Proposamena aurkeztu bezain azkar, gainontzeko alderdi guztien ezetza jaso zuen delegatuak. EAJko bozeramaile Xabier Iridoyk hartu zuen hitza lehenbizi, eta Foru Aldundiarekin ematen ari den koordinazioa “seriotasun [...]
Pasaiako Portu Agintaritzako lehendakari Lucio Hernandok herenegun Gipuzkoako Foru Aldundiko Lurralde Antolaketa eta Ingurumen diputatu Juan Carlos Alduntzinek egindako adierazpenak erantzun ditu, erakunde horrek Pasaiako Portuaren Plan Zuzendariaren I...
Udazkenean hasitako egitasmoarekin jarraituz, otsailean, martxoan, apirilean eta maiatzean ere literatur solasaldiak egingo dituzte. Otsailaren 7ean hasiko dira berriro solasaldiekin, eta Lluis Maria Todoren El mal francés liburuari buruz ariko dira. ...
Pirritx, Porrotx eta Marimotots pailazoak igandean izango dira herrian. 17:00etan eskainiko dute Zazpikoloroa saioa Elorsoro kiroldegian, Ugaldetxo Kultur Taldeak antolatuta. Saioa hasi aurretik, 16:00etan, 300 sarrera jarriko dituzte salgai lehiatilan...
Hilero moduan, Eskolatik Kalerak ekimenarekin euskarazko antzezlana ikusteko aukera izango dute 5 eta 12 urte arteko haurrek. Oraingoan, Hipo eta Tomaxen bihurrikeriekin pasatuko dute arratsaldea, beldurraren etxean izango baitira bi pailazoak. Ekimena...
Espainiako Enplegu Institutuaren datuen arabera, Oiartzunen %4 jaitsi zen langabezia pasa den urteko abenduan.
Krisiaren eraginez, murrizketak egingo dituzte 9. Zinegoak jaialdian, eta aurten, 70.000 euroko aurrekontua izango du. Gay-lesbo-trans nazioarteko zinema eta arte eszenikoen jaialdia otsailaren 6tik 12ra Bilbon izango da, eta 13tik 26ra beste hainbat...
«Asko gara, atera ditzagun presoak espetxeetatik!». Horixe Oiartzungo Egin Dezagun Bidea taldearen deia. Horrekin lotuta, bihar hilabeteko azkeneko ostirala izaki, karteladan parte hartzeko deia egin diete herritarrei. Kartelada 20:00etan izango da, Doneztebe plazan. Horrez gain, aurrerantzean antolatuko dituzten mobilizazioetan ere parte hartzeko deia egin dute: «Espetxeak hustuko ditugu kaleak beteaz!». Herritarrak zoriondu, eta eskerrak eman ditu taldeak, bestalde: «Urtarrilaren 7an Bilbon izan zen manifestazio historikoa ikusirik, lehenik eta behin euskal herritar eta oiartzuar orori eskerrak eman behar dizkiegu». Egin Dezagun Bidea taldearen iritziz, argi utzi zuten herritarrek zein den euren nahia: «Beste behin ere Espainiako eta Frantziako estatuei argi erakutsi genien Euskal Herriaren gehiengo sozialak ez diela bizkarra emango gure lagun eta senideen egoerari, eta azken presoa etxean ikusi arte lan egitera goazela!». Nahi eta indar horren adibidetzat dute Oiartzundik sei autobus atera izana. Baina lanean jarraitu behar dela ere argi dute: «Denok dakigu mobilizazio kolosal puntualei estauek ez dietela beldurrik. Horretarako presioa egiten jarraitu beharra dago, kaleak gureganatu behar ditugu. Tantaz osaturiko itsasoa sortu eta olatu hauek Madrileko eta Pariseko bulegoetara indartsu iristen joan behar dute,behin eta berriz». Horretarako denen ahalegina beharrezkoa dela gogorarazi du herriko Egin Dezagun Bidean taldeak. «Une politikoaren jakitun, denon ahalegina ezinbestekoa dugu, bakoitzak ahal [...]
‘Menpekotasun iraganetik independentziara’ Floren Aizek emango du udaletxean Herriko Independentsitak Sareak hitzaldia antolatu du otsailaren 3rako: Menpekotasun iraganetik independentziara. 19:30ean izango da, udaletxeko areto nagusian. Antolatzai...
Irungo Waku Park eta Camelot haur parkeetako arduradunek euskararen erabilera areagotzeko hitzarmena sinatu dute udaleko Euskara Sailarekin, 2010eko abenduan abiatutako Euskara Biziberritzeko Irungo Plan Nagusiaren barruan. Asteartean egin zuten ekimena, udaletxeko bilkura aretoan; bertan ziren Euskara arlotik Fernando San Martin ordezkaria eta Iban Eguzkitza zuzendaria, eta bi enpresetako arduradunak, Cameloteko Helena Garcia eta Miren Negrillo Waku parkekoa. San Martinen arabera, proiektua Waku Park eta Camelot enpresei aurkeztu zitzaien “euskararen familiaren bidezko transmisioaren eta aisiaren esparruaren eraginpean dauden establezimenduak izateagatik”. Hiriko haurren %64ak euskara ezagutzen duela azaldu zuen, eta zerbitzu horiek euskaraz eskatzen dituzten familiak “gero eta gehiago” direla nabarmendu zuen. Asteartean sinatutako hitzarmenarekin, euskararen erabileran aurrerapausuak emateko konpromisoa hartu dute bai Camelotek, baita Waku Parkek ere. Hala, publizitate euskarrietan, sustapen ekintzetan eta megafonia bidezko komunikazioetan euskararen presentzia areagotuko dute bi enpresek. Waku Parkek, esaterako, errotulazioan euskararen presentzia nabarmentzeko premia du; Camelotek, bere aldetik, webgunea euskaratu nahi du epe motzera. Udaleko Euskara Sailak, bere partetik, hainbat hizkuntza zerbitzu doan eskainiko dizkie bi jolas parkeei, hala nola, itzulpen eta zuzenketa zerbitzuak.
Iratxe Sorzabal irundarra epaitu dute Frantzian, eta sei urteko espetxe zigorra ezarri diote ETAren aparatu logistikoko ustezko kide izatea leporatuta. Sorzabalekin batera, beste lau euskal herritar epaitu dituzte prozesu berean. Epaimahaiaren arabera,...
Aurrera segitzen du Yasmin Rodriguezen hilketaren gaineko epaiketa, eta polizia agenteen arabera, akusatua “edanda ez zirudien”, horren “zantzurik ez baitzuen”. Istripuaren momentuan bertaratutako udaltzainek San Clementek ̶...
Hurrengo larunbatean ospatuko dute Santa Ageda Eguna, eta urtero bezala, bezperan kopla kantari aterako dira hainbat herritan. Lezon ere jarri dute zita gaur zortzirako. Horrela, Tomas Garbizu Musika Eskolako taldeek zein Aiton Bordako abesbatzak kaler...
Pasaiako Portu Azpiegiturei buruzko Plan Zuzendariari eta Ingurumen Jasangarritasunari buruzko txostenari alegazioak aurkezteko epea dela eta, EAk “kanpoko portuaren proiektua behin betiko baztertu” behar dela adierazi du, “proiektu hori delako oztopo nagusia Pasaiako badiaren biziberritzeari heltzeko”. Kanpo kaiaren ordez, portu mistoa defendatu du EAk, “bideragarritasuna duen aukera bakarra” delako. Horrez gain, Bilbo eta Baionarekin elkarlanean aritzearen alde egin du: “Pasaia ezin da lehia batean sartu, kontrakoa baizik”. Ildo horretatik, Bilbok eta Pasaiak kudeaketa bateratua behar dutela iritzi dio, eta bi portuetarako agintaritza bakarra proposatu du. Horrenbestez, 2010ean egin bezala, oraingoan ere alegazioak aurkeztu ditu EAk. Lau ardatz dituzte. Lehenengoa, merkantzien trafikoak ez duela kanpo kaia justifikatzen. Hala, portuko trafikoa murriztuz joan dela jakinarazi du, eta beraz, egungo azpiegiturak eskariari erantzuteko nahikoa direla iritzi dio. Bestetik, inbertsio oso handia dela adierazi du, eta “zalantza asko” sorrarazten dituela. EAren arabera, Xixon eta Coruñako kanpoko portuak porrota izan dira: “Kanpoko portuen eredua ere bazterturik dago Europan”. Hirugarren ardatza proiektuak ingurumenean izango lukeen kaltea da, “ez bakarrik Jaizkibelen, baita Ulia eta Ipar Euskal Herriko kostaldean, eta Gipuzkoako hondartzetan ere”. Horiek sekulako balioa dutela gogorarazi du, eta Natura 2000 sarean daudela. Azkenik, Portuak badiaren biziberritzea kanpo kaiaren menpe utzi duela adierazi du: “Diru iturri bezala [...]
Herritar guztiei etxebizitza bermatzeko politika martxan jarri duela iragarri du eguerdian udalak.
Helduen Tailerretako dantza taldeek mutxiko saioa antolatu dute iganderako. 12:00etan izango da, Doneztebe plazan. Mutxikoak dantzatzeko aukera izango dute bertaratzen diren guztiek. Herritarrei animatzeko deia egin diete.
Gaurtik aurrera, esneki ekologikoak makinatik hartzeko aukera dago Errenteria-Oreretan. Gipuzkoako bigarren esneki makina da (aurrena Hernanikoa izan da, eta pasa den astean ireki zuten), eta esne makinaren ondoan jarri dute, Niessen merkataritza zentr...
Atzo egin zuten urtarrilari zegokion ohiko udalbatzarra. Zinegotziek, beste hainbat gairen artean, bi mozio landu zituzten: Kutxabank erakundearen ordezkaritzari buruzko mozioa, eta Gipuzkoan azpiegitura lan handiak geldiaraztearen aldeko mozioa. Lehenenagoa Bilduren aldeko botoekin onartu zuten (zortzi alde, abstentzio bat —Hamaikabat— eta bi aurkako bozka —EAJ). Bigarrena ere, Bilduren bozkekin atera zen aurrera (zortzi alde, eta H1 eta EAJ kontra —hiru aurkako bozka, beraz—). EAJk, gainera, beste testu bat irakurri zuen. Horrez gain, zinegotziek Altzibarko Olalde eremuko etxebizitzen zozketarako zerrendak onartu zituzten. Udalaren webgunean ikus daitezke onartuen eta baztertuen zerrendak.
Esneki ekologikoaen makina jarri dute.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
