Olentzeroak Herriko Enparantzan batuko dira elkarrekin abesteko
Hainbat Olentzerok egingo dute bat etzi herriko kaleetan barrena. Horietako bat izango da Ereintza elkarteak antolatzen duena eta 18:30ean irtengo da Ereintza elkartearen egoitzatik. Antolatzaileek parte hartu nahi duten lagunei elkartearen egoitzan 18...
Hainbat Olentzerok egingo dute bat etzi herriko kaleetan barrena. Horietako bat izango da Ereintza elkarteak antolatzen duena eta 18:30ean irtengo da Ereintza elkartearen egoitzatik. Antolatzaileek parte hartu nahi duten lagunei elkartearen egoitzan 18:00 azaltzeko deia egin diete entsegua egiteko. Baserritarrez jantzita azaldu beharko dute. Ereintzaren Olentzeroak herriko kaleetan ibilbidea egin ondoren saio berezia egingo du Errenteriako Musika Kultur Elkarteko kideen laguntzarekin Herriko Enparantzan 20:15ean.
Egin Dezagun Bideak ere antolatu du Olentzeroa eta bere lehenengo geldialdia Martuteneko espetxe aurrean egingo du. Horretarako 15:30ean elkartuko dira bertatik autoz abiatzeko. 19:00etan Foru Plazan elkartuko dira berriz eta herriko kaleak girotu ostean, Herriko Enparantzan bat egingo dute Ereintzako Olentzeroarekin 20:30ean. Bertan, Hator hator abestuko dute besteak beste
Langaitz ikastolako Olentzeroa goizetik ibiliko da Beraungo kaleetan barrena. 11:00etan elkartuko dira Pablo Sorozabal plazan eta auzoan barrena abestuko dute guraso eta ikasleek.
