Zaharren Tokiko zerbitzuak lekualdatu nahi ditu PSE-EEk
Mozio bidez egingo dute eskaera, datorren asteko asteartean egingo duten udalbatzarrean. Antxoko Zaharren Tokian igogailua jar dezatela, edo ile-apaindegia, podologia eta masajeetarako udal zerbitzuak beheko solairura lekualdatzea eskatuko dio PSE-EEk ...
Mozio bidez egingo dute eskaera, datorren asteko asteartean egingo duten udalbatzarrean.
Antxoko Zaharren Tokian igogailua jar dezatela, edo ile-apaindegia, podologia eta masajeetarako udal zerbitzuak beheko solairura lekualdatzea eskatuko dio PSE-EEk Gobernu Taldeari. Mozio bidez egingo dute eskaera, datorren astearteko udalbatzarrean.
PSE-EEren bozeramaile Izaskun Gomezek azaldu duenez, «asko dira udalak eskaintzen dituen zerbitzu horietaz gozatzen duten edadetu antxotarrak». Erabiltzaile horietako askok, baina, zailtasunak omen dituzte goiko pisuan dauden zerbitzuetara jotzeko. «Erraza litzateke arazoa konpontzea, igogailua jarrita edota aipatu zerbitzuak beheko solairura lekualdatuta», argitu du Gomezek.
Bi aukeretako bat gauzatzerik ez balego, PSE-EEk badu beste proposamen bat. Anbulatorioa Usozera lekualdatu behar dutenez, aipatu zerbitzuak anbulatorioaren egungo egoitzan kokatzea.
Udalbatzarra hilaren 27an izango da, eta mozioa orduan eztabaidatuko dute.
