PSE-EEk ez ditu 2012ko aurrekontuak babestuko gaurko udalbatzarrean
2012ko aurrekontuak behin-behinean onartzea ala ez izango da gaur arratsaldeko udalbatzarreko punturik garrantzitsuena. Orduan jakin ahal izango da noren babesa izango duten udal kontuek. Baina PSE-EEk aurreratu du, azken orduko aldaketarik ezean, ez dituela babestuko. Edukiari dagokionez, “Errenteriako familia askok duten arazo nagusiena” ez dutela kontuan hartu iritzi dio PSE-EEk: “Langabezia”. Herriko tasa %14,7ra igo dela gogorarazi du, eta horregatik garrantzitsua dela 2012an bitarteko gehiago bideratzea enplegu planetara. Haatik, gobernu taldeak kontu saila %95 murriztu duela azaldu du. PSE-EEk, ordea, enplegu eta formakuntza plan bat gauzatzeko 195.000 euro bideratzeko zuzenketa bat aurkeztu du. Ados agertu da euskara, berdintasuna eta ingurumenaren sustapenerako politikekin, baina era berean, adierazi du horrek ezin dituela enplegu planak, etxebizitzarako laguntzak, hiri mantenurako baliabideak edo mugikortasun planak alde batera utzi. Bestetik, EAJ eta PPrekin akordioetara iritsi nahi izan duela jakinarazi du PSE-EEk, baina ez direla horiek gauzatu: “Gobernu taldeak PP eta EAJren zuzenketa guztiak onartu ditu, talde sozialistak aurkeztutakoak nahita baztertuz”. Udal gobernu taldeari “interesatzen zaion gauza bakarra” PSE-EEren proposamenak “aurrera ez ateratzea” dela uste du: “Beste behin, oposizioko lehen taldea isolatzen ari dira”. Horrez gain, beste zortzi puntu izango dituzte gaurko plenoan aurretik zinegotziek. Udaleko eta udalaren barne erakundeetako lanpostu eta langile zerrendak onartu edo ez [...]
2012ko aurrekontuak behin-behinean onartzea ala ez izango da gaur arratsaldeko udalbatzarreko punturik garrantzitsuena. Orduan jakin ahal izango da noren babesa izango duten udal kontuek. Baina PSE-EEk aurreratu du, azken orduko aldaketarik ezean, ez dituela babestuko.
Edukiari dagokionez, “Errenteriako familia askok duten arazo nagusiena” ez dutela kontuan hartu iritzi dio PSE-EEk: “Langabezia”. Herriko tasa %14,7ra igo dela gogorarazi du, eta horregatik garrantzitsua dela 2012an bitarteko gehiago bideratzea enplegu planetara. Haatik, gobernu taldeak kontu saila %95 murriztu duela azaldu du. PSE-EEk, ordea, enplegu eta formakuntza plan bat gauzatzeko 195.000 euro bideratzeko zuzenketa bat aurkeztu du.
Ados agertu da euskara, berdintasuna eta ingurumenaren sustapenerako politikekin, baina era berean, adierazi du horrek ezin dituela enplegu planak, etxebizitzarako laguntzak, hiri mantenurako baliabideak edo mugikortasun planak alde batera utzi.
Bestetik, EAJ eta PPrekin akordioetara iritsi nahi izan duela jakinarazi du PSE-EEk, baina ez direla horiek gauzatu: “Gobernu taldeak PP eta EAJren zuzenketa guztiak onartu ditu, talde sozialistak aurkeztutakoak nahita baztertuz”. Udal gobernu taldeari “interesatzen zaion gauza bakarra” PSE-EEren proposamenak “aurrera ez ateratzea” dela uste du: “Beste behin, oposizioko lehen taldea isolatzen ari dira”.
Horrez gain, beste zortzi puntu izango dituzte gaurko plenoan aurretik zinegotziek. Udaleko eta udalaren barne erakundeetako lanpostu eta langile zerrendak onartu edo ez erabaki beharko dute. Ordenantza fiskalen behin betiko onespena, eta Eresbil Fundazioko ordezkaria ordezkatzeko proposamena izango dira beste puntuak.
