Gurekin: “Onargarria denaren muga gainditu da”
Iztieta-Ondartxoko bizilagunak ez ziren pozik atera pasa den ostegunean udaleko ordezkariekin egindako bileratik. Ez zuten adostasunik lortu auzoan dituzten arazoei aurre egiteko, eta bizilagunak “nazkatuta” daude “auzoan biltzen dire...
Iztieta-Ondartxoko bizilagunak ez ziren pozik atera pasa den ostegunean udaleko ordezkariekin egindako bileratik. Ez zuten adostasunik lortu auzoan dituzten arazoei aurre egiteko, eta bizilagunak “nazkatuta” daude “auzoan biltzen diren pertsona gatazkatsuek” sortzen duten egoerarekin: “Onargarria den muga gainditu egin da”.
Bileraren hasieran gatazkatsuak diren bi lokaletan ordutegia kontrolatzen ari direla jakinarazi zieten iztietarrei Julen Mendoza alkateak eta Luisma Diez Hirigintza zinegotziak. Bizilagunek neurri gehiago espero zituzten, baina oraingoz ez ditu gehiago proposatuko udalak.
Gurekin elkartearen arabera, bilera horretan, gainera, udaleko kideek iradoki zieten bizilagunak “biktimak” beharrean “borreroak” direla. Horrez gain, elkarbizitza indartzeko etorkinekin elkarrizketak egitea beharrezkotzat jo zutela adierazi du elkarteak. Hortik elkarteak ondorioztatu du etorkinei “diskriminazio positiboa” ari dela egiten udala.
“Gauzak horrela” ez Gurekinek ez auzoak ezin dutela gehiago egin adierazi dute, eta hemendik aurrera auzoan gertatzen den guztia “neurririk hartu ez duten horien ardura” izango dela.
