Ekintza ugari dituzte aurretik txikienek Gabonetan
Gazteria Sailak urtero moduan hainbat ekitaldi prestatu ditu Gabonerako, batik bat haur eta gazteei zuzenduta. Ostegunetik hilaren 30era, eta urtarrilaren 2, 3 eta 4an Gabonetako ludoteka egongo da zabalik, Merkatuzarren. 5 eta 12 urte arteko haurrei zuzenduta egongo da, eta goiz eta arratsaldez 11:00etatik 13:00etara eta 16:30etik 19:30era egongo da irekita. Horrez gain, ostegunean, ostiralean eta hilaren 29 eta 30ean miniaturazko trenaren jardunaldiak izango dira, ludotekaren ordutegi berean eta Merkatuzarren. Horrez gain, aste honetan martxan egongo den bi egunetan miniaturazko soldaduen erakusketa ikusi eta pintura tailerrean parte hartzeko aukera izango da. Niessen zinemetan, berriz, ostiralean, 11:00etatik aurrera, Olentzero eta Iratxoen Jauntxoa filma emango dute, eta hilaren 29an, ordu berean, Artur eta munduen gerra-ren txanda izango da. Euskaraz izango dira bi filmak, eta dohainik, baina hara joateko gonbidapena beharko da. Merkatuzarren lortu ahal izango dira gaur, bihar, etzi eta etzidamu lehenengo saiorako, eta hilaren 26, 27 eta 28an Merkatuzarreko Jose Luis Caso aretoan, hilaren 29ko saiorako. Bi egunetan, 16:30etik 19:30era jaso ahal izango dira gonbidapenak. Hilaren 23an Olentzero eta Mari Domingik herria bisitatuko dute, eta Madalenaren ermitatik Herriko Plazarako bidea egingo dute gurdi gainean. Udaletxe aurrean, berriz, euren eskutitzak emateko aukera izango dute txikienek. Hilaren 24an, berriz, herriko kaleak zeharkatuko ditu [...]
Gazteria Sailak urtero moduan hainbat ekitaldi prestatu ditu Gabonerako, batik bat haur eta gazteei zuzenduta. Ostegunetik hilaren 30era, eta urtarrilaren 2, 3 eta 4an Gabonetako ludoteka egongo da zabalik, Merkatuzarren. 5 eta 12 urte arteko haurrei zuzenduta egongo da, eta goiz eta arratsaldez 11:00etatik 13:00etara eta 16:30etik 19:30era egongo da irekita.
Horrez gain, ostegunean, ostiralean eta hilaren 29 eta 30ean miniaturazko trenaren jardunaldiak izango dira, ludotekaren ordutegi berean eta Merkatuzarren. Horrez gain, aste honetan martxan egongo den bi egunetan miniaturazko soldaduen erakusketa ikusi eta pintura tailerrean parte hartzeko aukera izango da.
Niessen zinemetan, berriz, ostiralean, 11:00etatik aurrera, Olentzero eta Iratxoen Jauntxoa filma emango dute, eta hilaren 29an, ordu berean, Artur eta munduen gerra-ren txanda izango da. Euskaraz izango dira bi filmak, eta dohainik, baina hara joateko gonbidapena beharko da. Merkatuzarren lortu ahal izango dira gaur, bihar, etzi eta etzidamu lehenengo saiorako, eta hilaren 26, 27 eta 28an Merkatuzarreko Jose Luis Caso aretoan, hilaren 29ko saiorako. Bi egunetan, 16:30etik 19:30era jaso ahal izango dira gonbidapenak.
Hilaren 23an Olentzero eta Mari Domingik herria bisitatuko dute, eta Madalenaren ermitatik Herriko Plazarako bidea egingo dute gurdi gainean. Udaletxe aurrean, berriz, euren eskutitzak emateko aukera izango dute txikienek.
Hilaren 24an, berriz, herriko kaleak zeharkatuko ditu Olentzerok, 11:00etan eta 18.30ean.
Urtarrilaren 5ean, azkenik, errege magoek bisitatuko dute herria. 18:00etan hasiko da kabalgata, eta 19:00etan iritsiko dira udaletxera.
